Qazaqstan • 20 Maýsym, 2021

«Jasyl aımaq» jasyl jaılaý emes

163 ret kórsetildi

Áleýmettik jelilerde jergilikti jurt kartop qymbattaǵanyn jarysa jazyp júr edi. Endi epıdemııalyq ahýaldyń jaqsara túsýine baılanysty osy senbiden, ıaǵnı 19 maýsymnan bastap oblys ortalyǵynda aýylsharýashylyq jármeńkesiniń ótkizilýine ruqsat etildi.

Oblystyq sanıtarııalyq-epıdemıo­logııalyq baqylaý departamentiniń máli­me­tin­she, óńirdiń indettiń taralý barysyn zertteıtin zerthanalary 520 212 PTR test ótkizgen, onyń ishinde táýligine 2 myńǵa jýyq zertteý jasalyp jatyr.

Buǵan deıin «sary aımaqta» bolǵan óńirimizde indet juqtyrý kórsetkishi kún saıyn azaıa bastaǵan. Aptalyq ósim de kemigen. Bul týraly О́ńirlik kommýnıkasııa qyzmetinde ótken brıfıngte oblystyq sanıtarııalyq-epıdemıologııalyq ba­qy­laý departamentiniń basshysy Batyrbek Álıev málim etti.

Mysaly, 1-7 maýsym aralyǵynda 405 adam indet juqtyrsa, 25-31 mamyr aralyǵynda bul kórsetkish 590 bolǵan. Al aptalyq ósim kórsetkishi 1,6 paıyzǵa tómendegen. Ýspen, Pavlodar, Baıanaýyl, Tereńkól, Maı jáne Ertis aýdandary «jasyl aımaqta», Pavlodar, Ekibastuz, Aqsý qalalary men Sharbaqty aýdany «sary aımaqta» bolsa, Aqtoǵaı men Jelezın aýdandary ázirge «qyzyl aımaqta» qaldy.

Oblystyq densaýlyq saqtaý basqar­masynyń basshysy Aıdar Seıitqazı­novtiń sózinshe, oblysta 575 naýqas stasıonarda em qabyldaýda. Infeksııalyq oryndardyń júktemesi 27 paıyzdy, jan saqtaý bólimderiniń júktemesi 12 paıyzdy quraıdy.

«Bıyl 1 aqpannan bastap óńirge vak­sınanyń alǵashqy komponentiniń 116 635 dozasy jetkizilgen. Ekinshi kom­po­nenttiń 74 315 dozasy túsken. Qazir óńir turǵyndaryna Spýtnık V, QazVac jáne Hayat-Vax vaksınalary egilýde. Vak­sınalaý sharasyn júrgizý úshin medı­sınalyq mekemelerde 103 egý kabı­neti jumys isteıdi. Saýda oryndarynda jyljymaly bólimshe mamandary turǵyndarǵa ekpe salýda. Aımaqta vak­sınanyń alǵashqy komponentin 88 631 adam alsa, 46 307 adam ekinshi kompo­nentti qabyldady. Onyń ishinde 70 myń­nan asa adam Spýtnık V vaksınasyn alǵan. Maýsym aıynyń ortasynda reseılik vaksınanyń alǵashqy kompo­nentiniń 50 myńǵa jýyq danasy keledi», deıdi A.Seıitqazınov.

Jyl basynan beri óńirde kópshiligi sozylmaly syrqat túrlerimen aýyrǵan 109 adam indetten kóz jumǵan. Tipti ekpe alǵan 50-ge jýyq adam qaıtadan indet juqtyryp alǵan. Biraq olardyń aǵza­laryndaǵy indet juqtyrý barysy jeńil túrde ótken.

«Iá, Spýtnık V vaksınasynyń al­ǵash­qy komponentin alǵan adamdardyń ishinde indet juqtyrǵandar kezdesti. Olar ekpe alý kezinde sımptomsyz bel­gisine shaldyǵýy múmkin nemese indet juqtyrǵan naýqastarmen baılanysta bolǵandar. О́ńirde 70 myńnan asa adam ekpe alǵan. О́kinishe qaraı, bul – óte tómen kórsetkish», dedi A.Seıitqazınov.

Al «jasyl aımaqqa» ótkenimiz jaıly oblystyq sanıtarııalyq-epı­demıologııalyq baqylaý depar­tamentiniń basshysy Ba­tyr­bek Álıev málim etti. Qazirgi kezde óńirde 37 adam­nyń indet juqtyrǵany anyq­talsa, onyń 10-y sımptomsyz túri­men aýyrǵan.

«О́ńirimizdiń «jasyl aımaqqa» en­genine qazir bir aptadaı ýaqyt ótti. Biraq epıdemııalyq jaǵdaı áli de kúrdeli dep aıtýǵa bolady. Saqtaný qajet. Tur­ǵyn­dar adam kóp jınalatyn oryndarda áleýmettik qashyqtyqty saqtap, medı­sı­nalyq maska taǵýy kerek. О́ıtkeni jaǵ­daıdyń jaqsarýy jurtshylyqtyń saqtaný áreketine tikeleı baılanysty. Epı­demııalyq ahýal aldaǵy bir apta kóle­minde baqylanady. Eger indet juqtyrý­shylar sany azaıa tússe, karantın sharalary da jeńildetiledi», deıdi B.Álıev.

Iаǵnı karantın sharalary jeńildeıtin bolsa, qoǵamdyq tamaqtaný oryndarynyń qyzmet kórsetý ýaqyty uzartylyp, mekeme qyzmetkerleriniń 70 paıyzy dástúrli jumys formatyna kóshedi.

Oblystyq densaýlyq saqtaý bas­qar­masynyń baspasóz qyzmetiniń máli­metinshe, qazir óńirimizge vaksınalardyń jańa partııasy jetkizildi, bul – Spýt­nıkV vaksınasynyń birinshi jáne ekinshi kom­ponentteri. Naqtyraq aıtqanda, bi­rinshi komponentinen 12 150 doza, ekin­shisinen 25 435 doza keldi.

Basqarmanyń emdeý bóliminiń basshysy Aıgúl Muqysheva atap ótkendeı, búginde 18 jastan asqan oblys halqynyń jalpy sanynyń 16,5 paıyzy ekpeniń birinshi komponentin, al 9,9 paıyzy ekeýin de saldyryp úlgerdi.

«Boljamdarǵa sáıkes vaksınalaý qyrkúıekte aıaqtalýǵa tıis. Sol kezde oblys halqynyń 60 paıyzy ekpe alyp shyǵýy kerek, ıaǵnı indetke deıingi tirshilikke qaıta oralý úshin ujymdyq ımmýnıtet qalyptasýy qajet. Birinshi kezekte turǵyndar ekpe alýda neǵurlym belsendilik tanytsa, soǵurlym vaksınalaý ýaqyty jyldam aıaqtalady», dedi A.Muqysheva

Medısına qyzmetkerleri men barlyq deńgeıdegi ákimder jergilikti jerde indet taralmaýyna baılanysty qaýipsizdik sharalaryn júrgizýde. Bul másele oblystyq ákimdiktiń jedel shtab otyrysynda apta saıyn talqylanýda. Sondyqtan turǵyndar arasynda dúrbeleń týyndamas úshin ekpe saldyratyn oryndar týraly aqparat der kezinde taratylýy kerek. Qalalar men aýdandardyń ákimderine barlyq egý pýnktin aralap, olardyń jumysyn úzdiksiz baqylaıtyn turaqty toptar qurý tapsyryldy.

 

Pavlodar oblysy

Sońǵy jańalyqtar

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

«Real» – Sýperkýbok ıegeri

Fýtbol • Búgin, 08:40

Anderkardta kúsh synasady

Sport • Búgin, 08:37

Shilde aıyndaǵy úzdikter anyqtaldy

Fýtbol • Búgin, 08:35

Shahmatshylardyń tarıhı jetistigi

Sport • Búgin, 08:34

«Altyn taı» Aıagózdiń enshisinde

Aımaqtar • Búgin, 08:32

Uqsas jańalyqtar