Ákimniń aıtýynsha, kúnbaǵys jáne qaraqumyq daqyldary egilgen alqaptar edáýir kóbeıtilgen. Bıyl sońǵysy 42 myń gektarǵa egilip, Qazaqstan boıynsha qaraqumyq daqyldary egilgen aýmaqtyń 44 paıyzyn quraǵan.
Pavlodar oblysynda aýyl sharýashylyǵy daqyldary 1,5 mıllıon gektardan astam jerge sebilip, egilgen alqap aýdany 6 paıyzǵa ósken.
Aımaq basshysynyń baıandaýynsha, oblystaǵy ekonomıkany ártaraptandyrý isi agroónerkásiptik keshenniń áleýeti esebinen júrgizilip keledi. 2025 jylǵa deıin óńirde osy saladaǵy jalpy quny 230 mlrd teńgeni quraıtyn 46 ınvestısııalyq joba júzege asyrylmaq. Onyń jartysynan kóbi bıyl iske qosylady.
«Bıyl aýylda qurylys jáne abattandyrý baǵytynda birden 150 jobany júzege asyramyz. Olardyń jartysyna jýyǵy «Aýyl – el besigi» baǵdarlamasy boıynsha iske asyrylady. Aýyldardaǵy ál-aýqattyń negizgi kórsetkishteriniń biri – sýmen jabdyqtaý. Biz aýyl turǵyndaryn sapaly aýyz sýǵa qol jetkizýmen qamtamasyz etý jónindegi josparlardy jedeldetip, máseleni 2023 jyly tolyq sheshýge nıettimiz. Osy jyly sapaly aýyz sý 212 myń adamǵa nemese óńirdegi aýyl turǵyndarynyń 95 paıyzyna qoljetimdi bolady», deıdi Ábilqaıyr Sqaqov.
Business Ertis kásipkerlerdi qoldaý óńirlik baǵdarlamasy aıasynda aýylǵa erekshe kóńil bólingen. Osy arqyly oblystyń ár aýdanynda bir aýqymdy jobany iske qosyp, aýylda shaǵyn, orta, jańadan bastaǵan bızneske kúndelikti kómek kórsetilmek. Budan bólek, baǵdarlamanyń taǵy bes baǵyty bar: kásipkerlerge ataýly kómek kórsetý, ekologııalyq, ınnovasııalyq jáne áleýmettik bastamalardy damytý, sondaı-aq ınvestısııalar tartý. Osyndaı qoldaýdyń arqasynda jyl basynan beri Pavlodar oblysynda shaǵyn jáne orta bıznes sýbektileriniń sany shamamen 350-ge ósip, saýda kólemi 30 mlrd teńgeden asqan. Memlekettik qoldaýdyń nátıjesinde 1,5 myńǵa jýyq kásipker 34 mlrd teńgeden astam kómek aldy. Jyl sońyna deıin kemi 700 jobaǵa qoldaý kórsetilmek.
Aqsý qalasynda ózektiligin joımaı kele jatqan jylý problemasy sheshimin tapty dep málimdedi aımaq basshysy. Bıyl munda jańa jylytý qazandyǵy iske qosylmaq. Ol ortalyqtandyrylǵan jylýmen qamtamasyz etý qyzmetiniń sapasyn jaqsartýǵa tıis. Buǵan qosa, Aqsýda muz arenasynyń qurylysy men «Zamanaýı mektep» aımaqtyq baǵdarlamasy boıynsha mektepterdi jańartý bastaldy.
Jyl basynan 1 maýsymǵa deıin óńirde 11,5 myńnan astam jańa jumys orny ashyldy. Onyń jartysynan astamy turaqty. «Eńbek» baǵdarlamasy aıasynda oblystyń 14 myńnan astam turǵyny eńbekke tartylyp, jyl sońyna deıin taǵy 14 myń adam jumyspen qamtylmaq.
Bıyl 1200-den astam jumys ornyn ashýǵa baǵyttalǵan 77 joba iske asyrylmaq. Oblys ákimi el Prezıdenti Qasym-Jomart Toqaevtyń tapsyrmasymen ázirlenip jatqan Ekibastuzdy damytýdyń keshendi josparyna bólek toqtaldy.
«1,5 myń shamasynda usynys qabyldanyp, 100-den astam saraptamalyq suhbat ótkizildi. Jospardyń negizgi mindetteriniń biri – kómir óndirýdi tómendetý jáne ınnovasııalyq tehnologııalarǵa kóshý arqyly Ekibastuz ekonomıkasynyń otyn-energetıkalyq keshenge táýeldiligin azaıtý. Esesine, óńdeý ónerkásibiniń úlesin arttyramyz. Bıýdjetten bólingen 1 teńgege shaqqandaǵy ınvestısııa kólemi 10 teńgege jetýi kerek», dedi aımaq basshysy.
Pavlodar oblysynda sońǵy bes aı ishinde ónerkásip óndirisiniń kólemi 5 paıyzǵa ósip, jalpy quny 1 trln teńgeden asqan. О́ńdeý ónerkásibindegi ósim – 6,3 paıyz. Syrtqy saýda aınalymy 20 paıyzdan asyp, 1,4 mlrd dollarǵa jetken. Aldyn ala esep boıynsha eki aıda shıkizattyq emes eksport quny – 318,8 mln dollar. Bul ótken jylǵy osy kezeńmen salystyrǵanda 1,4 ese artty.
Oblys ekonomıkasyna quıylǵan qarajattyń kólemi úshten bir esege artypty – shamamen 134,6 mlrd teńge. О́ńirge ınvestısııa tartý jumystary jańasha bastaý alǵan. Problemalar men múmkindikter taldanyp, ınvestısııalyq shtab qurylǵan. Búgingi tańda oblystyń aldaǵy bes jylǵa arnalǵan ınvestısııalyq portfeli – 1,9 trln teńge. Iаǵnı 174 joba qolǵa alynbaq.
