Jalpy, «mýral» sózi aǵylshynshadan aýdarǵanda «qabyrǵadaǵy sýret» degen maǵynany bildiredi. Sondaı kóz tartar sýrettiń biri, Jaqyp Omarov kóshesindegi 64 mekenjaıyndaǵy «Teatralnyı» býlvary men DEMALYS PROMENADE jaıaý júrginshiler kóshesiniń ortasynda Aldar kóse beınesindegi, halqymyzdyń birtýar uly, kórnekti rejısser Sháken Aımanovtyń jańa mýraly ashyldy. Bul kartına «Aldar kóse» kınosyndaǵy stop-kadr. Ataqty akter osy týyndyny ózi túsirip qana qoıǵan joq, basty róldegi – «Aldar kóseni» tamasha oınaǵany málim. Sondyqtan da kórermender halyq aýyz ádebıetindegi aqyldy aılaker keıipkerimizdiń beınesin marqum Sháken aǵanyń óreli ónerimen jaqyn tanydy dep aıtýǵa bolady. Mýraldyń avtory, sýretshi Ashat Ahmedııarov. Ol óz jumysynda teatr ónerin aıqyndaıtyn qyzyl perde arqyly dala obrazyndaǵy shynaıy ómirdiń beınesi men shyǵarmashylyq álemdi ádemi úılestire bilgen.
