Almaty oblystyq PD baspasóz qyzmetiniń málimetinshe, 13 maýsym kúni Qaratal aýdandyq polısııa basqarmasyna Ortalyq aýdandyq aýrýhanadan habarlama túsken - Bastóbe aýylynyń 17 jastaǵy turǵyny pyshaq jaraqatyn alǵan.
Tergeý barysynda anyqtalǵandaı, zardap shekken qyz 17 jastaǵy kúdiktimen mektepten tanys jáne aralarynda kıkiljiń týyndaǵan.
Oqıǵadan bir kún buryn olardyń kóshe boıynda janjaldasqany belgili boldy. Máseleni sońyna jetkizý úshin jábirlenýshi tanysyn túnde kezdesýge shaqyryp, ura bastaǵan. Soqqynyń astynda qalǵan ekinshi qyz qashyp qutylyp, óz úıiniń aýlasynda jasyrynǵan.
«Ol jerden jınalmaly pyshaq taýyp alyp, artynan kelgen zamandasynyń ishinen urǵan. Qylmys quraly aıǵaqzat retinde tárkilenip, iske dálel retinde tirkeldi. Kúdikti ata-anasynyń qolyna tapsyryldy. Qazir densaýlyqqa qasaqana zııan keltirý ıaǵnı, QR QK 106-baby 1-bóligine sáıkes tergeý júrip jatyr», delingen Almaty oblystyq Polısııa departamenti baspasóz qyzmeti jarııalaǵan habarlamada.
