«13 maýsymnan bastap Shymkent munaı óńdeý zatynda benzın óndirisi tehnologııalyq rejımge shyqty, sońǵy 5 kúnde ortasha táýliktik óndirý 6,5 myń tonnany qurady. Dızel otynynyń óndirisi qalpyna keltirildi, sońǵy 4 kúnde ortasha táýliktik óndirý 6 myń tonnany qurady. О́ndiristiń bul kólemi ońtústik óńirdiń qajettilikterin jaýyp tur», dedi Á. Maǵaýov OKQ ótken brıfıng kezinde.
Onyń sózinshe, ońtústik aımaqtarda bir kúnde Aı-92 benzıni 5,31 myń tonna, al dızel otyny 5,6 myń tonna tutynylady.
«Sonymen qatar jóneltip tıeýge qatysty Shymkent munaı óńdeý zatynyń logıstıkalyq qıyndyqtary boldy. Sońǵy kúnde óndirilgen munaı ónimderiniń tek jartysyn ǵana jóneltý múmkin bolǵan. «QTJ»-AQ-birlesip tıisti konsýltasııalar júrgizilip, otyndy jóneltý kólemi qalpyna keltirildi. Aldaǵy kúnderi temir jolmen 4,3 myń tonna benzın men 4,2 myń tonna dızel otyny ońtústik óńirlerge jóneltilmek. Buǵan qosa, Shymkent munaı bazasy arqyly qubyrmen 1,2 myń tonnadaı benzın men dızel otyny baǵyttalady. Osydan keıin avtomobıl kóligimen janar-jaǵarmaı quıý stansııalary júıelerine taratylady. Bul qadamdar taıaý kúnderi jaǵdaıdy turaqtandyrýǵa múmkindik beredi», dedi ol.
