Tamashaǵa toly teatr toıy

On kún boıy astanalyqtar men qala qonaqtaryna tańdaýly týyndylar usynatyn teatr mere­ke­sin ótkizýge Mádenıet jáne sport mınıstrligi men Nur-Sul­tan qalasy ákimdigi qoldaý kór­setip otyr.

Shyǵarmashylyq kezdesýge alystan at arytyp kelgen О́z­bek ulttyq akademııalyq drama teatry men B.Qydykeeva atyn­daǵy Qyrǵyz memlekettik jas­tar teatry jáne elimizdiń Q.Qýa­nyshbaev atyndaǵy mem­lekettik akademııalyq qazaq mýzy­kalyq-drama teatry, Ǵ.Mú­sirepov atyndaǵy Qazaq mem­lekettik akademııalyq bala­lar men jasóspirimder teatry, M.Gorkıı atyndaǵy Mem­le­kettik akademııalyq orys drama teatry, Ulttyq ulan án-bı ansambli, Nur-Sultan qalasy ákimdiginiń Jastar teatry, Astana Musical Memlekettik teatr­y jáne Á.Mámbetov atyndaǵy mem­le­kettik drama jáne komedııa teatr­lary atsalysyp, mádenı sharanyń kórigin qyzdyrady.

Jalpy shyǵarmashylyq kez­desýdiń maqsaty – qazaq teatr ónerin damytý, kórshiles el­der­diń teatrlarymen aradaǵy baı­lanysty nyǵaıtý jáne elordany mádenıet ortalyǵy retinde tanytyp, kórermenderdi teat­r ónerindegi tańdaýly qoıy­lym­­darmen tanystyrýdy kóz­deıdi. Teatr ujymdarynyń óne­rin baǵalaıtyn sarapshylar alqasynyń quramynda Qa­zaq­stannyń eńbek sińirgen qaı­ratkeri, ónertaný kandıdaty Er­kin Jýasbek, Halyqaralyq teatr synshylary birlestiginiń prezıdenti, Anar Erkebaı, teatrtanýshy, ónertaný kandıdaty Baqyt Nurpeıis, teatrtanýshy Aızat Qadyrálıeva, synshy Gúl­nar Ábikeeva, teatrtanýshy Mıras Ábil bar.

Aıtýly is-sharanyń aldynda Prezıdent janyndaǵy ortalyq kommýnıkasııalar qyz­metinde baspasóz máslıhaty ótip, onda Mádenıet jáne sport vıse-mınıstri Nurǵısa Dáýeshov biregeı óner ordalarynyń kez­desýi el táýelsizdiginiń mereıli toıy men qala kúni qarsańynda tá­jirıbe almasý maqsatynda uıym­dastyrylǵandyǵyn atap ótti. Sonymen qatar ol azattyq al­ǵannan bergi otandyq teatr óneriniń damýyna qysqasha sholý jasady.

− Qazir elimizde 65 teatr bar, onyń 53-i memlekettik bo­lyp sanalady. Táýelsizdik jyl­dary 22 memlekettik teatr ashy­lyp, Nur-Sultan, Oral, Qara­ǵandy, О́skemen, Qostanaı, Shym­kent, Taldyqorǵan, Túrkis­tan qalasynda 9 teatrǵa jańa ǵımarat salyndy. Byltyr elor­dada Mýzykalyq jas kórer­mender teatry ashylsa, Qa­lıbek Qýanyshbaev atyndaǵy mem­lekettik akademııalyq mý­zykalyq-drama teatry, bıyl Túr­kistan shaharyndaǵy Túr­kistan mýzykalyq-drama teatry jańa ǵımaratqa kóshti. Mádenıet uıymdarynyń kásibı deńgeıin kóterý maqsatynda egemendik alǵannan beri 9 teatrǵa Úkimet qaýlysymen «akademııalyq» mártebe berildi. Sondaı-aq tarıhta alǵash Prezıdent Jar­ly­ǵymen M.Áýezov atyndaǵy Qazaq memle­kettik akademııalyq drama teatry, Abaı atyndaǵy Qazaq memlekettik akademııalyq opera jáne balet teatry, M.Lermontov atyndaǵy Memlekettik akade­mııalyq orys drama teatry «Ult­tyq» mártebe ataǵyn aldy, dedi.

Nurǵısa Dáýeshov qazirgi pandemııa kezinde teatrlardyń halyqtyń eńsesin kóterip, rýhanı qoldaýǵa zor úles qosqanyn basa aıtyp, osy salada júzege asqan jobalarǵa toqtaldy.

− Búginde teatr salasyn damytý baǵytynda atqarylyp jat­qan jumys kóp. Mádenıet jáne sport mınıstrliginiń uıym­das­tyrýymen respýblıkalyq, ha­­lyqaralyq deńgeıde teatr fes­tıvalderi jıi ótedi. Ásirese «Rýhanı jańǵyrý» baǵ­dar­lama­synyń «Jahandaǵy zamanaýı qazaqstandyq mádenıet» jobasy aıasynda elimizdiń jetekshi teatrlary álemdik deńgeıdegi sah­nalarda óner kórsetip jat­qanyn aıtýǵa bolady. Máde­nıet salasyndaǵy júıeli ynty­maq­tastyq pen se­riktestikti ja­ńartý maqsatynda byltyr respýblıkalyq salalyq má­de­nıet uıymdarynyń janynan uıymdastyrý ortalyqtary qu­ryldy. Sondaı-aq M.Áýezov atyndaǵy Qazaq ulttyq akade­mııalyq drama teatry janynan Memlekettik teatrlar men teatr uıymdarynyń gas­trol qyzmetin úılestiretin respýblıkalyq or­talyq ju­my­syn bastady. Bilim berý­ge arnalǵan onlaın plat­for­ma­larǵa arnap teatr ónerimen ta­­nystyratyn beıne-sabaqtar da­ıyndaldy, − deı kelip, Mem­leket basshysynyń byltyrǵy Joldaýynda aıtylǵan bala­larǵa shyǵarmashylyq pen qol­óner negizderin úıretý týraly tap­syrmasyn oryndaý maq­sa­tynda ótken jylǵy qazannan bastap «Ulaǵatty urpaq» atty bilim berýge arnalǵan onlaın plat­forma iske qosylyp, atal­ǵan joba aıasynda oqýshylar teatr, mýzyka, kınematografııa, beıneleý óneri jáne «Kıeli Qazaqstan» sekildi 5 baǵyt boıynsha qazaq jáne orys tilinde bilim berý beınesabaqtaryna erkin qatysýǵa múmkindik al­ǵanyn jet­kizdi.

Qazirgi kúni oǵan tir­kelgen jas­­óspirim qatary 11 myńnan asyp, beı­nesabaqtardy 5 mıllıon adam qaraǵan.