Halyq qazynasy

Taıaýda Selınograd aýda­nyn­da támam jurtty tán­ti etken kórme uıymdas­ty­ryldy. San ǵasyr boıy jal­ǵasyn taýyp, kúni bú­ginge deıin úzilmeı kele jat­­­­qan tylsym ónerdiń ty­nysy sońǵy jyldary qaıta ashylǵandaı. Án­sheıin ta­ǵylymdy dúnıeni tamasha­laýshylar ǵana emes, óz qo­lymen, bar zeıinin salyp, sheberligin sarqa jumsap, ata mura­syn ardaqtaıtyndar qatary kóbeıip keledi. Kóz­­tartarlyq, ádemi etip ja­sal­ǵan qaı buıymǵa qarasań da, arydaǵy jurttyń qolynan kóp nárseniń kelgendigine razy bolar edińiz. Árqıly mú­sin, kóshpeli jurt qoldanǵan baǵaly buıymdar kózdiń jaýyn alady.

Is-shara ulttyq ónerdi damytýmen qatar, jas urpaqty patrıotızmge tárbıeleý úshin de qajetti. Kórmege qoıylǵan teri, kıiz, aǵashtan jasalǵan turmystyq zattar halqymyzdyń asa baı mádenıetin aıǵaqtaıtyn já­digerler ispetti.

Qazylar alqasy bar­lyq jumysty saraptaı kele, Qosshy aýylynyń tur­ǵy­ny, belgili sheber Ashat Bo­zymbaıdy júzden júı­rik dep tanydy. Kóz maıy­n taýysyp, halyq qazy­na­sy­na úles qosqan qatysý­shy­­lar­dyń barlyǵy baǵaly syı­lyq­tarmen marapattaldy.