Jezqazǵan qalasynyń PB esirtki qylmysyna qarsy kúres bóliminiń qyzmetkerlerine qala turǵyny quramynda esirtki bar ósimdikterdi zańsyz ósirýmen aınalysady degen aqparat tústi.
2021 jyldyń 17 maýsymynda polısııa «Qarasora-2021» jedel-izdestirý is-sharalaryn júrgizý kezinde 49 jastaǵy er adamdy anyqtap, ustady. Ol óziniń jeke ýchaskesinde qara soranyń 110 butasyn zańsyz ósirýmen aınalysqan bolyp shyqty. Sonymen qatar ustalýshydan «apıyn» esirtki zaty bar túrli kólemdegi plastıkalyq bótelkeler alyndy. Kúdiktiniń aıtýynsha, ol ósimdikterdi óziniń qajettiligi úshin ósirgen.
Atalǵan fakti boıynsha QR Qylmystyq kodeksiniń 300-baby (О́sirýge tyıym salynǵan quramynda esirtki zattary bar ósimdikterdi zańsyz ósirý) boıynsha sotqa deıingi tergeý bastaldy. Qazirgi ýaqytta tergeý amaldary júrgizilip jatyr.
