Úndistan medısınalyq ǵylymdar ınstıtýtynyń dırektory Randıp Gýlerııanyń aıtýynsha, COVID-19-dyń jańa shtamy óte juqpaly. Ony juqtyrý úshin naýqas adamnyń janynan betperdesiz ótý jetkilikti. Qaýipsizdik sharalaryn saqtaý ınfeksııanyń taraýyn boldyrmaýǵa kómektesedi. Biraq bılik jańa nusqanyń monoklonaldy antıdenelerge tózimdiligi men ımmýnıtetti «aınalyp ótý» qabiletine alańdap otyr.
«Úndi konsorsıýmynyń mamandary SARS-CoV-2-ni genomıkasy boıynsha zertteıdi jáne oǵan qarsy vaksınalar qanshalyqty tıimdi ekenin bilemiz», dedi Gýlerııa.
Aıta keteıik, koronavırýstyń úndi shtamy (B. 1.617) naýryzda anyqtalǵan. Keıin onyń úsh kishi túr bólindi: B. 1.617.1, B. 1.617.2 jáne B. 1.617.3. Olar spaık aqýyzyndaǵy birneshe mýtasııamen erekshelenedi, sonyń arqasynda patogen aǵzaǵa enedi.
«Delta» shtamynyń mýtasııasy áli jalǵasyp jatyr. О́tken aptanyń sońynda Maharashtra shtaty «delta-plıýs» shtamy paıda bolǵanyn habarlady (B. 1.617.2.1). Ol S aqýyzynda k417n mýtasııasynyń bolýymen erekshelenedi. Ol aýrǵandar men vaksına alǵan adamdardyń sarysýy men antıdeneleriniń belsendiligin tómendetýi múmkin. Jalpy Úndistanda «delta-plıýs» ınfeksııasynyń 22 jaǵdaıy tirkelgen.
Aıta keteıik, Dúnıejúzilik densaýlyq saqtaý uıymynyń málimetine sáıkes, 20 maýsymdaǵy jaǵdaı boıynsha SARS-CoV-2 «delta» shtamy álemniń 74 elinde anyqtalǵan. Buǵan deıin densaýlyq saqtaý mınıstri Alekseı Soı Nur-Sultanda úndi shtamy tabyldy degen qaýip baryn aıtqany habarlanǵan bolatyn.
