«Qurmetti elorda turǵyndary men qonaqtary! О́zderińiz biletindeı, qalamyzda «Delta» shtammy (úndi shtammy degen ataýmen belgili) ınfeksııasynyń alǵashqy jaǵdaılary tirkeldi! Naýqastar sany azaımaı tur. О́tken táýliktiń ózinde ınfeksııanyń 413 jaǵdaıy anyqtaldy! Myńnan astam adam ınfeksııalyq stasıonarlarda jatyr. Tósek-oryndardyń jartysynan kóbi toldy. Reanımasııa bóliminde 100 naýqas jatyr. 21 adamǵa ókpeni jasandy jeldetý apparaty qosyldy. Medısına qyzmetkerlerine artylǵan júkteme birneshe ese ósti jáne ósip jatyr.
Qazir ǵylymǵa qarsy turatyn ýaqyt emes. Ǵylymnyń kómegimen jyl saıyn jer betindegi mıllıondaǵan adam densaýlyǵyn saqtap, aman qalady. Ǵylym ǵana adamdy jańa, qaýipti vırýstar men ınfeksııalardan saqtanýǵa kómektesedi.
Shuǵyl túrde vaksınasııa alý qajet! Vaksınasııa arqyly ózińizdi, otbasyńyzdy jáne aınalańyzdaǵy jurtty qorǵaı alasyz. Eger koronavırýs ınfeksııasynyń juqtyrý kórsetkishi azaımasa, qala turǵyndary men ShOB nysandary qatań sanıtarlyq normalardy saqtamaıtyn bolsa, lokdaýnǵa qaıta oralýymyzǵa týra keledi. Adam densaýlyǵy men ómiri qyl ústinde.
Sanıtarlyq normalardyń/karantındik shekteýlerdiń saqtalmaýy, keıbir azamattardyń oǵan beı-jaı qaraýy saldarynan týyndaǵan jaǵdaıdy turaqtandyrý úshin qosymsha karantındik shekteýler qabyldaýǵa májbúrmiz. Sanıtarlyq dárigerler karantındik sharalardy qatańdatý týraly jańa qaýly daıyndaýda.
Birinshi. Táýekel tobyndaǵy azamattarǵa mindetti túrde vaksına alýdy usynamyz.
Bul topqa pedagogter, medısına qyzmetkerleri, áleýmettik qyzmetkerler, mektep, balabaqsha, ýnıversıtet qyzmetkerleri, qyzmet kórsetý salalary, ıaǵnı HQO, bankter, SOO/SÚ, shashtarazdar, sulýlyq salondary, talapkerler (18 jasqa tolǵan), sondaı-aq qalanyń tynys-tirshiligin qamtamasyz etetin qyzmetkerler jatady.
Qala turǵyndarymen tikeleı baılanysta bolatyn jáne jumys isteıtin qyzmetkerler túsinýi kerek: eń aldymen ózin jáne aınalasyndaǵy adamdardy qorǵaýy qajet. Mysaly, qoǵamdyq tamaqtaný oryndarynda/meıramhanalarda nemese SOO-da bóten adamdarmen tikeleı baılanysatyn bolsańyz, eń aldymen vaksınasııadan ótip, ózińizdi jáne aınalańyzdaǵy jurtty qorǵaýyńyz kerek.
Eger atalǵan uıym qyzmetkerleri vaksınasııalan basa, nysannyń jumysy toqtatylady.
Ekinshi. Vaksınasııalanǵan qyzmetkerler úshin jumys oryndary qoljetimdi
Ekpe almaǵandar (medısınalyq ruqsaty bar qyzmetkerlerdi eseptemegende), qashyqtan jumys isteý jáne oqý formatyna jiberilýi kerek.
Úshinshi. Ashyq jobasy óz kezeginde qyzmetkerleri 100% vaksınasııalanǵan kásiporyndarda ǵana jumys isteıdi. Sonymen qatar Ashyq qosymshasy kelýshilerdiń vaksınasııa statýsyn anyqtaıtyn «Vaksınasııa» modýlimen biriktirilýi kerek.
Bul sharalardyń bári qala turǵyndarynyń qaýipsizdigine arnalyp otyr! Vaksınasııa arqyly ujymdyq ımmýnıtetti qalyptastyrý kezinde ǵana qala burynǵy, karantınge deıingi qalypty ómirge orala alady: karantındik shekteýlersiz, lokdaýndarsyz jáne t.b.
Eń bastysy — adam ómirimen jáne densaýlyǵymen oınamańyz! Aldyńyzda tek eki jol bar. Birinshi – árbir adam erte me, kesh pe, vırýsqa tap bolady. Nátıjesinde túrli dári-dármekter alyp, uzaq ýaqyt emdeledi.
Ekinshi ádis — vaksınasııa. Ǵylym adam densaýlyǵy úshin vaksınadan artyq eshnárse oılap tapqan joq. О́zimizdi jáne aınalamyzdaǵy jandardy qorǵaý arqyly ǵana osy bir qıyn kezeńnen ótemiz», dep jazdy elorda ákimi.
