«12-19 maýsym aralyǵynda mýtasııalanǵan shtamdardyń aınalymyn anyqtaý maqsatynda PTR-dıagnostıkasyn júrgizdik. 53 zertteýdiń ishinen «brıtandyq shtamm» 44 adamda (83%), «ońtústikafrıkalyq» eki jaǵdaıda (4%) jáne bir adamda «nıý-ıorktik» shtamm (1,8%) anyqtaldy. Qalǵan 11%-da COVID-19 vırýsynyń mýtasııasy anyqtalmady», dedi J.Bekshın.
Mekeme basshysynyń aıtýynsha, 16 maýsymnan bastap juqtyrý kórsetkishi 0,7-den 0,96-ǵa deıin ósken. «Bul – demalys oryndaryna barý men turǵyndardyń betperde rejimin saqtaýda epıdemııaǵa qarsy sharalardy elemeýi saldarynan boldy», dedi J.Bekshın. Sondaı-aq COVID-19 aýrýy ósýiniń negizgi sebebi ınfeksııanyń tez taralýyna yqpal etetin mýtasııalanǵan shtamdardyń paıda bolýyna da baılanysty. Nátıjesinde, 22 maýsymda epıdemııalyq jaǵdaıdy baǵalaý matrısasynda Almaty taǵy da «sary aımaqqa» ótti. Juqtyrý kórsetkishi joǵary.
J.Bekshın epıdemııalyq jaǵdaı ýshyǵa túsken jaǵdaıda shekteý sharalaryn baqylaý 5 kún ishinde júrgiziletinin túsindirdi («jasyl aımaqtan» «saryǵa» nemese «sary aımaqtan» «qyzylǵa» kóshý). Sondyqtan Almatyda «jasyl aımaq» rejimi taǵy 5 kún, ıaǵnı 27 maýsymǵa deıin saqtalady. Sondyqtan Almaty qalasynyń ákimdigi halyqaralyq áýejaıda jáne qalanyń temirjol vokzaldarynda baqylaýdy kúsheıtý boıynsha sharalar qabyldaýǵa májbúr bolyp otyr.
О́z kezeginde qala ákiminiń orynbasary Erjan Babaqumarov quzyrly mekeme basshylarymen birge Almaty halyqaralyq áýejaıy men qala vokzaldarynyń aýmaǵyndaǵy sanıtarlyq-epıdemııalyq qyzmetterdiń jumysyn tekserdi.
Qazaqstan aýmaǵynda koronavırýs ınfeksııasynyń taralýyn boldyrmaý jónindegi vedomstvoaralyq komıssııasy men Densaýlyq saqtaý mınıstrliginiń elde «Delta» («úndi») shtamynyń aınalymyna qatysty tapsyrmasyn eskere otyryp, jerústi qyzmetterdiń koronavırýs ınfeksııasynyń taralýyna qarsy daıyndyǵy, ushý aýmaǵynda ınfeksııa belgilerin anyqtaıtyn jolaýshylar úshin jekelegen ınfeksııalyq bokstardyń jumysy tekserildi. Áýejaıǵa kireberistegi Ashyq qosymshasy arqyly «qyzyl» mártebeli eki-úsh jolaýshy tirkelgeni týraly habardar etilip, ınfeksııanyń odan ári taralýyna jol bermeý úshin bul adamdar jedel oqshaýlandy.
Epıdemıologtardyń aıtýynsha, «Delta» shtamy joǵary juqpaly ári anyqtalǵan shtamdarǵa qaraǵanda 60% juqpaly. Ortasha alǵanda, 1 adamnan 5-6 adam juqtyrady, al aınalymdaǵy shtamdardan 3-4 adamǵa juǵady. Shtamnyń ınkýbasııalyq kezeńi jeti kúndi quraıdy. Ǵalymdardyń zertteýleri koronavırýstyń «úndi» shtamy aýrýhanaǵa jatqyzý men ólim-jitimniń yqtımaldylyǵy joǵary ekenin aıtty. J.Bekshın «úndi» shtamynyń sımptomdary basqa ekenin jetkizip, úırenshikti shtamdardan ózgesheligin atady. Alaıda, aýrýdyń belgileri bolǵan kezde dereý dárigerdi shaqyrý kerek. О́ıtkeni jańa shtamm qaýipti. Osyǵan baılanysty Bas sanıtar qala turǵyndary ózin-ózi emdeýmen aınalyspaýy kerektigin taǵy da qaperge saldy.
Almaty bıligi sanıtarlyq-epıdemıologııalyq qorǵaýdyń barlyq sharalaryn kúsheıtýdi, onyń ishinde áýejaı qyzmetkerlerin vaksınalaýǵa shaqyrdy. Sondaı-aq áýejaıdy dezınfeksııalaý jumystary qaıta jalǵasatyn bolady.
Aıta ketý kerek, Almaty epıdemıologtary qaýipti «Delta» shtamynan týyndaýy múmkin koronavırýs ınfeksııasynyń jańa tolqynyn joqqa shyǵarmaıdy. Almaty qalasynyń koronavırýs ınfeksııasynyń taralýyna jol bermeý jónindegi qalalyq shtaby turǵyndardy vaksınalaýǵa, sondaı-aq betperde rejimi men áleýmettik qashyqtyqty saqtaýǵa shaqyrdy.
Al Dúnıejúzilik densaýlyq saqtaý uıymynyń málimetterine sáıkes, 20 maýsymdaǵy jaǵdaı boıynsha SARS-CoV-2 «Delta» shtamy álemniń 74 elinde anyqtalǵan.
ALMATY
