– Memleket basshysynyń Joldaýynda ishki ister organdary júıesinde júrgiziletin reformada basty mańyz ýchaskelik polısııa ınspektorlarynyń qyzmetine erekshe kóńil bólinetini aıtylǵan edi. Soǵan baılanysty jańa bekette ýchaskelik polısııa ınspektory men onyń otbasyna qolaıly jaǵdaı qarastyryldy. Mundaı beket tártip saqshysynyń jergilikti turǵyndardyń qaýipsizdigi men qoǵamnyń tynyshtyǵyn saqtaýǵa, qylmystyń aldyn alýǵa zor yqpalyn tıgizedi. О́ıtkeni ýchaskelik ınspektor turǵyndardyń aryz-shaǵymyn osynda qabyldap, kez kelgen máselege der kezinde den qoıady, – deıdi oblystyq polısııa departamentiniń bastyǵy, polısııa polkovnıgi Qamza Úmbetqalıev.
Tushyqudyq aýylynyń ýchaskelik polısııa ınspektory Shyńǵys Ibatov ári keńsesi, ári turǵyn úıi bar jańa beketke alǵashqylardyń biri bolyp ornalasty. Ol ishki ister organynda 2014 jyldan beri jumys isteıdi.
– Jańa úlgidegi ýchaskelik polısııa beketinde tórt jumys bólmesi bar. Al otbasymyz úshin taǵy da tórt bólme japsarlas salynǵan. Mundaı jańa ǵımaratta táýlik boıy jumys isteýge bolady, – deıdi ýchaskelik polısııa ınspektory Shyńǵys Ibatov.
Atyraý oblysy
