Elordadaǵy «Astana Arena» stadıonynda ótken kezdesýde «Astana» Shymkenttiń «Ordabasy» klýbyn qabyldap, 0:2 esebimen jeńilip qaldy. Báseke taǵdyryn shymkenttik ujym birinshi taımnyń 24-mınýtyna deıin sheship tastady. 22-mınýtta «Ordabasy» sapynan Baǵdat Qaıyrov esepti ashsa, 24-mınýtta bıylǵy birinshiliktiń úzdik surmergeniniń biri Joaý Paýlý esepti eselep, oıynnyń núktesin qoıdy. Bul – «Astananyń» bıylǵy chempıonattaǵy alǵashqy jeńilisi.
Keıingi eki matchta 1:1 esebi tirkeldi. «Shahter» syrt alańda «Atyraýmen» upaı bólisse, «Aqtóbe» óz alańynda «Qyzyljardy» jeńe almady. Qalǵan kezdesýlerdiń qalaı órbigenin gazetimizdiń kelesi sanynda baıandaıtyn bolamyz.
