«Biz Ekibastuzda turamyz!»

Osy mańyzdy baǵyttaǵy tujyrym­dama aıasynda aldaǵy úsh jylda 3,5 myń otbasy úshin 213 myń sharshy metr bas­pana salý josparlanǵan. Sondyqtan da bolar, Ekibastuz qazir óńirdegi naǵyz qurylys ortalyǵyna aınalǵandaı. Byltyr qala ákimdigi 2021 jyly qalada 630 páterli 8  turǵyn úıdiń qurylysy bastalady dep habarlaǵan-dy. Iаǵnı jyl saıyn 68,5 myń sharshy metr turǵyn úı paıdalanýǵa beriledi. Bul turǵyndardy baspanamen qamtamasyz etýge múmkindik beredi. Buǵan deıin Ekibastuzda mundaı qu­rylys kólemi men turǵyn úıler  salyn­baǵan.

Qala ákimi Ardaq Qańtarbaevtyń aıtýynsha, ótken jyly 1 myńnan astam páteri bar 13 kóp páterli úı salynǵan. Bul baǵytta «Jumyspen qamtýdyń jol kartasy» boıynsha bólingen 11 mlrd teńgeden astam qarjynyń kóp bóligi turǵyn úı qurylysyna tıesili. Jańadan boı kótergen jáne qaıta jańartylǵan úıler sany – 12. Al 9-shy shaǵyn aýdandaǵy №4 úıdiń qurylysy memlekettik qyzmetshiler tarapynan baqylaýdyń álsizdiginen kesh aıaqtalyp, tıisti adamdar jaýapqa tartyldy.

Kezekte turǵan 646 otbasy jalǵa beriletin turǵyn úıge ıe boldy. Olardyń arasynda 132 kópbalaly otbasy, 123 jetim balalar jáne 83 bıýdjettik sala qyzmetkerleri, 308 áleýmettik top sanattaryndaǵy jandar páter kiltterin aldy.

О́tken aptada qalada «Jumyspen qamtý­dyń jol kartasy – 2021» baǵdar­lamasy boıynsha Q.Sátbaev kóshesi, 37 mekenjaıynda jańadan salynǵan 6 turǵyn úı paıdalanýǵa berildi. Úıler 37/1, 37/2 degen bólikterimen bólingen. Qala ákimdiginiń málimetinshe, bul 6 turǵyn úıde 432 páter bar. Jańa úı­lerden páterlerdi kópbalaly otbasylar, jetim balalar, bıýdjettik uıymdardyń qyzmetkerleri jáne úı kezeginde turǵan turǵyndar ıelendi. Bul qazirgi esepte turǵan jetim balalar men kópbalaly otbasylardyń qajettilikterin tolyq qanaǵattandyryp, áleýmettik osal azamattar men bıýdjet qyzmetkerleriniń kezegin tómendetýge múmkindik berýde. Mysaly, «Altyn alqa», «Kúmis alqa», buryn «Batyr Ana» ataǵyn alǵan, sondaı-aq I jáne II dárejeli «Ana dańqy» ordenderimen marapattalǵan kópbalaly ana­lar Gúljanar Keldibekova, Nazgúl Oralqyzy, Rıza Qurmanǵalıeva, Elvıra Saparbekova, Mahabbat Ahmetova, Jibek Ýaqbaevlar úıli boldy.

– Biz, kópbalaly analar búgin páter kiltterin aldyq. О́te qýanyshtymyz. Biz álemge áıgili qala Ekibastuzda turamyz! Osylaı maqtanamyz. Balalarymyz osy jerde ósip keledi, bul – mereı, baı­lyq. Jaqsy qýanyshty kúnder, qonys­toılary kóp bola bersin! – deıdi Aıjan Qýandyqqyzy.

Sonymen birge, A.Sherbachýk, S.Shake­nov, D.Shakenova, A.Qalıasqa­rova, N.Orazbaev sekildi ata-ananyń qamqor­lyǵynsyz qalǵan balalar, kóptegen az qam­tamasyz etilgen áleýmettik álsiz otba­sylar jáne bıýdjettik sala qyzmet­kerleri de óz páterlerine qol jetkizdi.

Iá, «Biz Ekibastuzda turamyz!» deıtin turǵyndar sany kóbeıe bersin, úıler de birinen soń biri boı kóterip, kenshiler qalasy óse bersin.

Pavlodar oblysy