Jyl basynan beri probasııa qyzmetiniń esebinde 92 adam tirkelgen bolsa, onyń 33-i osy kúni tirkeýden alynǵan.
Sottalǵandar men merziminen buryn shartty túrde temir tordyń ar jaǵynan bosap shyqqan azamattardy qoǵamǵa beıimdep, quqyqtyq, psıhologııalyq jáne basqa da kómek kórsetý isin oıdaǵydaı atqarǵan probasııa qyzmetiniń mamandary bıyldyń ózinde jalpy sany 70 adamǵa kómek kórsetken. Onyń ishinde: esepte turǵan 2 azamatqa psıhologııalyq kómek kórsetilgen bolsa, 18 adamdy turaqty jumysqa ornalastyrǵan, 2 azamattyń jeke bas kýálikteri jasalyp, rásimdeldi.
«Sottalýshynyń kinási qansha jerden aýyr bolsa da, ol memleketimizdiń azamaty degen attan aıyrylmaıdy. Probasııalyq baqylaý - isti bolǵandardy jazalaý maqsatynda emes, kerisinshe olardy tárbıeleý úshin qoldanylatyn qyzmet», deıdi aýdandyq probasııa qyzmetiniń ınspektory Erkebulan Ahmetzakıev.
Aıta keteıik, Elbasy N.Á. Nazarbaevtyń «Bes ınstıtýsıonaldyq reformasyn júzege asyrýdyń 100 naqty qadamy» atty Ult josparyndaǵy basty tapsyrmalarynyń biri - bas bostandyǵynan aıyrý ornynan bosatylǵan jáne shartty sottalǵan adamdar men bas bostandyǵyn shekteý jazasyna sottalǵan azamattardyń qoǵamda óz ornyn tabýǵa kómek kórsetip yqpaldasý. Sonymen qatar, QR-nyń 2010-2020 jyldarǵa arnalǵan Quqyqtyq saıasat tujyrymdamasynda bas bostandyǵynan aıyrýmen baılanysty emes qylmystyq jazalardy oryndaýǵa jaýap beretin probasııa qyzmetin qurý týraly mindet qoıylǵan bolatyn.
