Jańa qaýly QR aýmaǵynda koronavırýs ınfeksııasynyń paıda bolýy men taralýyna jol bermeý jónindegi vedomstvoaralyq komıssııa otyrysynyń 2021 jylǵy 22 maýsym kúngi hattamasyna sáıkes qabyldanǵan bolatyn.
Oǵan sáıkes, memlekettik organdardyń, ulttyq kompanııalardyń, kásiporyndardyń ákimshilik qyzmetkerleriniń keminde 80% qashyqtan jumys isteý tártibine kóshýi kerek. Al vaksınany tolyq qabyldaǵan qyzmetkerler oflaın rejımdegi jumysqa jiberiledi.
«О́ndiristik qajettilikke baılanysty menshik nysanyna qaramastan memlekettik organdardyń (uıymdardyń), ulttyq kompanııalardyń, kásiporyndardyń ákimshilik personalynyń keminde 80% qashyqtan jumys isteý túrine kóshirilýi tıis. Bul rette sońǵy 3-6 aı ishinde COVID-19-ǵa qarsy vaksınalaýdyń tolyq kýrsyn alǵan jáne COVID-19-ben aýyryp jazylǵan barlyq qyzmetkerdiń kúndizgi rejımde jumys isteýine ruqsat beriledi», delingen qaýlyda.
