Oqıǵa • 27 Maýsym, 2021

Jýrnalıster arasynda dop dodasy márege jetti

64 ret kórsetildi

Buqaralyq aqparat quraldary ókilderi arasynda eki kúnge sozylǵan dop dodasy óz máresine jetti, dep habarlaıdy Egemen.kz.

Baılanys jáne aqparat salasy qyzmetkerleri kúni qarsańyndaǵy týrnırdi Shyǵys Qazaqstandaǵy Jýrnalıster Odaǵy fılıaly men oblystyq dene shynyqtyrý jáne sport basqarmasy uıymdastyrdy.

Joldastyq kezdesý bolǵanymen, shyn myqty komanda jeńiske jetýi zańdylyq. Daıyndyqpen kelgen komandalar birden kózge túsip, shırek fınalǵa ótti.

– Bul jerdegi bizdiń basty maqsatymyz – Shyǵystaǵy jýrnalısterdiń yntymaǵy men birligin arttyrý edi. Tartysty ótken jarysqa demeýshilik kórsetken «Kazsınk», «Kazmınerals», «Baqyrshyq taý-ken óndirý kásiporny» JShS basshylyǵyna alǵys bildiremiz, – dedi Jýrnalıster Odaǵy fılıalynyń dırektory Azamat Qasym.

Karantındik sharalarǵa baılanysty kópten beri bastary qosylmaǵan áriptester sporttyq sharada kezdesip, bir serpilip qaldy.

– Semeıden eki top kelip, voleıbolda, fýtbolda baq synap kórdik. Komandamyzdyń aty «Alash». Jarys jaqsy ótti. Jalǵasyn taýyp, dástúrge aınalsa eken deımiz, – dep tilegin bildirdi «Qazaqstan» Ulttyq Telearnasynyń Semeıdegi tilshisi Erjan Jaqyp.

Jarys nátıjesine keler bolsaq, voleıboldan 1 oryndy «Altaı» telearnasynyń oıynshylary qanjyǵaǵa basty. 2 oryn «Meniń ólkem» gazetiniń jýrnalısterine buıyrdy. Al 3 oryndy Semeıden kelgen «Alash» komandasy qanaǵat tutty.

Fýtbolda baq synaǵan komandalar da ońaıshylyqpen berispedi. Olardyń ishinde 1 orynnyń tuǵyrynan «Shyǵys Aqparat» kórinip, 100 myń teńge men baǵaly syılyqtarǵa ıe boldy. 2 oryndy «Altaı»telearnasynyń oıynshylary alsa, 3 orynǵa «Kókpekti» komandasy taban tiredi. Al júldeli orynǵa ilinbegen komanda oıynshylarǵa estelik syılyqtar tabys etildi.  

Sońǵy jańalyqtar

Elordada Ulttyq Onim kórmesi ashyldy

Elorda • Búgin, 16:52

Dollar 425 teńgeni qurady

Qarjy • Búgin, 16:33

Aqtóbede jol apatynan eki adam qaza tapty

Aımaqtar • Búgin, 13:35

Uqsas jańalyqtar