Aıda Balaeva: Medıa – ulttyq qaýipsizdik pen ıdeologııanyń da ózegi

Qurmetti áriptester, bar­sha­ńyzdy kásibı merekeleri­ńi­z­­ben shyn júrekten quttyq­taımyn!

Bul – tek qalam ustaǵan jýr­nalısterdiń ǵana emes, aqparat salasynda júrgen barlyq qyz­metkerge ortaq meıram.

Buqaralyq aqparat qu­ral­dary – memlekettik saıasat­taǵy ma­ńyzdy baǵyttardyń biri. Sebe­bi medıa tek resmı aq­parat tara­týdyń quraly emes. Ol – ulttyq qa­ýipsizdik pen ıdeo­lo­gııanyń da ózegi. Memleket saıasatyn tú­sin­­dirýde halyq pen bılik ara­syn jalǵaıtyn altyn kópir. Son­­dyqtan jýrnalısterdiń qo­ǵam al­dyndaǵy azamattyq jáne áleý­met­tik jaýapkershiligi óte joǵary.

Táýelsizdiktiń 30 jyly ishin­­de ulttyq medıa elimizben bir­ge jańarý men damýdyń bıik be­lesterinen ótti. Aqparat salasynyń memlekettik basqarý prosesine yqpaly artyp keledi. Baspasózde saýatty kóterilgen máseleler memlekettik qyzmet sapasyn jetildirýge septigin tıgizip júr. Prezıdentimizdiń «Ha­lyq únine qulaq asatyn memleket» tujyrymdamasynyń ná­tı­jeli iske asýynda da jýrna­lısterdiń úlesi zor.

Árbir jýrnalıstiń búgingi kúndelikti eńbegi arqyly memle­­ketimizdiń erteńgi tarıhy ja­zy­lyp jatyr. Sondyqtan aqparat salasyn jańa deńgeıge kóterip, bıik tal­ǵamdy qoǵam qalyp­tas­tyrýdaǵy eńbekterińiz jana bersin!

Denderińizge saýlyq, otbasy­laryńyzǵa amandyq, shyǵar­ma­shylyq shalqar shabyt pen tolaıym tabys tileımin!

Aıda BALAEVA,
Aqparat jáne qoǵamdyq damý mınıstri