Sport • 28 Maýsym, 2021

Jánibektiń jarqyn jeńisi

66 ret kórsetildi

Qazaq elinde tań araılap atqan tusta AQSh-tyń Las-Vegas qalasynda kásipqoı bokstan úlken jarys ótti. Aıtýly dodada orta salmaqta kúsh synasyp júrgen elimizdiń mańdaıaldy bylǵary qolǵap sheberleriniń biri Jánibek Álimhanuly da óner kórsetti.

Bul joly Jánibek álem­­niń eks-chempıony Rob Brant­pen judyryqtasty. Ma­ńyzdy básekege qanda­symyz tyń­ǵy­lyqty daıarlandy. Sebebi, 30 jastaǵy AQSh-tyń Mınnesota shta­tynyń týmasy osaldar sanatynan emes. Kásipqoı boks­­taǵy óz karerasyn 2012 jy­ly bastaǵan ol sol kezden beri 28 márte rıng­­ke kóterilip, 26 ret óziniń myq­tylyǵyn moıyn­datty. 18 qarsylasyn ol uryp jyqty. Branttyń ju­dyryǵynyń joıqyn eke­nin sezingender arasynda kolýmbııalyq Danısıo Mı­randa, amerıkalyq Dekarlo Peres pen Krıs Fıspatrık, japonııalyq Rıota Mý­rata, reseılik Hasan Baı­san­gý­rov, ýkraınalyq Vı­talıı Ko­­pylenko jáne taǵy basqa tanymal boksshylar bar.
Sátsiz ótken eki jek­pe-jegi jaıynda aıtsaq, «Bravo» degen búrkenshik esimdi ıelengen saqa sport­shynyń alǵashynda ger­manııalyq Iýrgen Bre­merge áli jetpedi. Brant nemis boksshysynan osydan tórt jyl buryn Shverın qalasynda upaı sanymen utyldy. 2019 jyldyń jazynda ol Rıota Mýratamen qaıta qolǵap túıistirdi. Bul joly japon jigiti amerı­kalyqty ekin­shi raýndta uryp jyqty. Sol básekede «Bravo» WBA nusqasy boıynsha orta sal­maqtaǵy álem chempıony ataǵynan aıyryldy. Mine, Jánibekke osyndaı saqa sport­­shymen judyryqtasýǵa týra keldi.
Las-Vegastaǵy jekpe-jek­ti Jánibek Álimhanuly óte saýatty ótkizdi. «Qazaq stılin» kúlli álemge tanytamyn dep qulshynyp júrgen órenimiz asyqpaı-aptyqpaı júrip-aq kózdegen maqsatyna qol jetkizdi. Báseke barysynda onyń joıqyn soqqylary qarsylasyna jıi darydy. Sodan sekem alyp qalsa ke­rek, Branttyń tarapynan jasalǵan birde-bir este qa­larlyq shabýyldy kóre almadyq. Ýaqyt ótken saıyn upaı sanyn eselegen qan­dasymyz altynshy raýndta Robty qatty eseńgiretip tastady. Odan keıin de Álim­hanulynyń basymdyǵy anyq baıqaldy. Báseke dál osyndaı «ssenarıımen» órbı beretin bolsa, saý-tamtyǵy qal­maıtynyn jiti túsingen AQSh boksshysy segizinshi raýnd­tan keıin jekpe-jekti jal­ǵastyrýdan bas tartty.
Sóıtip, kezinde áýesqoılar arasynda álem jáne qur­lyq chempıony, Azııa oıynda­ry­nyń jeńimpazy atanyp, Rıo Olım­pıadasynda shırek fınalǵa deıin jetken 28 jastaǵy Jánibek Álim­hanuly kásipqoı rıng­tegi 10 jeńisine qol jet­kizdi. Sol kezdesýlerdiń altaýyn mer­ziminen buryn aıaq­tady. Keshe ótken jarysta onyń ónerine súıisingen AQSh-tyń áıgili menedjeri Egıs Klımas «Já­ni­­bektiń judyryqtasý má­­neri keremet. Naǵyz Qa­zaq Style dep aıtýǵa turar­lyq. Osydan birer kún bu­ryn bapkeri Baddı Mak­gırt­pen sóıleskenimde, ol óz shá­kir­tiniń úlken dodalarǵa daıyn ekenin aıtqan edi. Sol sóz­diń rastyǵyna meniń de kózim jetti», – dep aǵynan ja­ryldy.

Sońǵy jańalyqtar

Aqtaýda 109 jedel jelisi iske qosyldy

Aımaqtar • Búgin, 09:51

Vaksına saldyrǵandar sany artty

Koronavırýs • Búgin, 09:18

Qazaqstanda 158 adam koronavırýs juqtyrdy

Koronavırýs • Búgin, 09:03

«Aqtóbe» kósh bastady

Fýtbol • Búgin, 08:42

Vaýt van Art birinshi orynda keledi

Sport • Búgin, 08:39

Tórtinshi aınalymǵa shyqty

Tennıs • Búgin, 08:38

Jastar jasyndaı jarqyldady

Sport • Búgin, 08:35

Til máselesi talqylandy

Qazaqstan • Búgin, 08:33

Dıplomatııalyq qyzmettiń 30 belesi

Qazaqstan • Búgin, 08:13

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Uqsas jańalyqtar