Onyń aıtýynsha, qylmysqa uzaq ýaqytqa sozylǵan turmystyq janjaldar sebep bolýy múmkin. Qazirgi ýaqytta tergeý eki nemese odan da kóp adamdy óltirý baby boıynsha júrgizilip jatyr. Is Ishki ister mınıstrliginiń baqylaýyna alynǵan.
Tergeý nusqasyna sáıkes, negizgi kúdikti – otbasynyń kúıeý balasy Sultan Sársemálıev. Onyń jubaıy, otbasynyń kishi qyzy Aqbaıannyń bul iske qatysy bar-joǵy anyqtalyp jatyr. Polısııa málimetinshe, áıeldiń psıhıkalyq jaǵdaıyn tekserý úshin sot-psıhıatrııalyq saraptama taǵaıyndalyp, medısınalyq mekemege jiberilgen.
Eske salaıyq, Atyraý oblysynyń Qyzylqoǵa aýdanynda turatyn erli-zaıypty, uly men qyzy iz-túzsiz joǵalyp ketken edi. Keıin erli-zaıyptynyń máıiti tabyldy. Olardyń ólimine kúdikti retinde kúıeý balasy men qyzyna halyqaralyq izdeý jarııalandy.
Atyraýda joǵalǵan otbasy músheleriniń telefony sońǵy ret Shymkentten sıgnal bergeni belgili boldy.
Ishki ister mınıstrliginiń qyzmetkerleri sheteldik áriptestermen birlese jumys istep, Indonezııa Respýblıkasynyń Lombok aralyndaǵy Senarý aýylynda asa aýyr qylmys jasady dep aıyptalǵan Sultan Sársemálıevti ustady.
Kúdikti buryn joǵalyp ketken Naýryz ben Meıramgúldi óltirip, Atyraý qalasynyń mańyndaǵy Geolog yqsham aýdanyna kómgenin moıyndady.
