Atyraý qalasynda buryn izdeýde júrgen kásiporyn dırektory ustaldy. Qazir ol Atyraý tergeý ızolıatorynda qamaýda. Sybaılas jemqorlyqqa qarsy qyzmettiń baspasóz qyzmeti aqparatty rastady.
2020 jylǵy maýsymda Atyraý oblysy boıynsha sybaılas jemqorlyqqa qarsy qyzmet QR IIM QAJK «Eńbek-Atyraý» bólimshesiniń basshysyna jáne basqa da tulǵalarǵa qatysty qosalqy merdigerlermen shart jasasý kezinde para alý deregi boıynsha QR QK 366-baby 3-bóligimen «Adamdar tobynyń aldyn ala sóz baılasýy boıynsha birneshe ret para alý» sotaldy tergeýdi bastaǵan.
Keıin aıyptaýǵa QR QK 189-baby 3-bóligi «Kinálige senip tapsyrylǵan bóten múlikti ıemdený nemese talan-tarajǵa salý, ıaǵnı óziniń qyzmet babyn paıdalana otyryp, adamnyń aldyn ala sóz baılasýy boıynsha toptyń jymqyrý» qosylǵan.
«Eńbek-Atyraý» Atyraýdaǵy toǵyz sýburqaq qurylysy jobasynyń merdigeri bolǵan. Quny bir mıllıard teńgege jýyq joba merdigerdiń bıýdjet qarajatyn jymqyrý deregi boıynsha sotaldy tergep-tekserý bastalǵannan keıin toqtatyldy.
Sonymen qatar 2019 jyly «Eńbek-Atyraý» quny 354 mıllıon teńge bolatyn kóppáterli turǵyn úılerdegi 50 aýlany jaryqtandyrý boıynsha tenderdi jeńip alǵan.
Keıin Atyraýdaǵy úılerdiń biriniń aýlasynda segiz jasar balany tok soǵyp, «Eńbek-Atyraý» ornatqan búkil kóshe shamyna elektr berý toqtatylǵan.
