Bastama Qazaqstan Respýblıkasy Prezıdentiniń kómekshisi – Qaýipsizdik Keńesiniń Hatshysy Áset Isekeshevtiń tapsyrmasymen QR IIM «Polısııanyń servıstik modeli» pılottyq jobasynyń aıasynda júzege asyrylyp jatyr.
Atalǵan ÝPP-nyń ereksheligi – azamattardyń qajettilikteri, ýchaskelik polısııa ınspektorlarynyń fýnksıonaldyq mindetteri eskerilip, arnaıy jabdyqtaldy.
Keńsede azamattardy qabyldaýǵa, jınalys ótkizý úshin 10 orynǵa shaqtalǵan jeke bólme bar, turmystyq zorlyq-zombylyq kórgen ana men balaǵa arnaıy bólme qarastyrylǵan, qyzmetkerlerdiń kıimin qoıýǵa arnalǵan shkaftar men qujattardy saqtaýǵa arnalǵan jáshikter bar.
Odan bólek, probasııa qyzmetkerine bir bólme jáne kámelet jasqa tolmaǵan balalarmen jumys isteıtin ýchaskelik ınspektorǵa jeke bólme berildi. Sondaı-aq qyzmetkerlerdiń demalys bólmesi men as úı de tolyǵymen jabdyqtalǵan. Jalpy ǵımarattyń aýdany 8 jumys orny men tirkeý bólimin qosqanda 156,65 m² quraıdy.
Nur-Sultan qalasynyń ákimi A.Kólginov jáne Nur-Sultan qalasy «Almaty» aýdanynyń ákimi B.T. Espolov jańa ýchaskelik pýnkt úshin keńse bóldi.
M.S. Nárikbaev atyndaǵy KAZGIýÝ Ýnıversıteti «NAK» qurylys kompanııasymen birge ýchaskelik polısııa pýnktiniń zamanaýı stıldegi dızaınyn jasap, jobalaý jáne jóndeý jumystaryn júrgizdi. Sonymen qatar tehnıkalyq jabdyqtaryn alyp, ǵımaratty tolyǵymen qaıta jabdyqtady.
KAZGIýÝ Basqarma tóraǵasy Talǵat Nárikbaevtyń aıtýynsha, joǵary oqý ornynyń qyzmetkerleri ınspektorlarmen tereńdetilgen suhbattar júrgizip, arnaıy ádisteme daıyndaǵan.
«Pılottyq aımaqtaǵy 29 polısııa qyzmetkeriniń jumys ýaqytyna hronometraj júrgizý barysynda baqylaýshylar (ýnıversıtet qyzmetkerleri men stýdentteri) ýchaskelik jáne patrýldik polısııa qyzmetkerleri jumysynyń kúrdeliligi men aýyrlyǵyn zerttedi. Zertteý barysynda polısııa qyzmetkerleriniń jumysy qaýip-qaterge toly ekenine qaramastan tıimdi jáne jaıly orynda jumys isteýi úshin qajetti jaǵdaı jasalmaǵany anyqtaldy. Qazaqstandaǵy basqa ýchaskelik polısııa pýnkteri de osyndaı bolǵanyn qalaımyz. Biz servıstik polısııa quryp jatyrmyz», dedi Talǵat Nárikbaev.
Polısııa qyzmetkerleri jáne pılottyq aýdandaǵy polısııa departamentiniń basshylyq quramy ýnıversıtet bazasynda «Kıkiljiń psıhologııasy», «Quqyqtyq taldaý negizderi», «Emosıonaldy ıntellekt», «Qujattardy rásimdeý» kýrstaryn oqyp, kásibı biliktiligin arttyrdy.
Nur-Sultan qalasy «Almaty» aýdany polısııa bóliminiń aǵa ýchaskelik ınspektory Qýanysh Bákibaev pılottyq joba bolashaqta jemisin beretinine senimdi.
«Elordalyq polısııa qyzmetinde ózgerister bolyp jatqanyn kórip otyrmyz. KAZGIýÝ Ýnıversıtetinde biliktilikti arttyrý kýrsynan óttik. Pılottyq jobanyń arqasynda bolashaqta is-qaǵazdar jumysynyń basym bóligi elektrondy formatqa aýysady. Ol óz kezeginde ýchaskelik polısııa qyzmetkerleriniń jumysyn jeńildetedi», dedi ol.
Atalǵan ýchaskelik pýnktiniń shtattyq quramy kýrs nátıjesi boıynsha oqytýshylar bergen usynystardyń negizinde jasaqtalatyn bolady.
