Jeńimpazdardyń tizimin quraý úshin táýelsiz Taǵaıyndaý Komıteti quryldy. Onyń quramyna Qazaqstan Respýblıkasynyń ekologııa, geologııa jáne tabıǵı resýrstar Mınıstri Maǵzum Myrzaǵalıev, Eýrazııalyq ekonomıkalyq komıssııanyń ıntegrasııa jáne makroekonomıka jónindegi Alqa múshesi (Mınıstr) Sergeı Glazev, AHQO Jasyl qarjy Ortalyǵy Dırektorlar keńesiniń Tóraǵasy, AHQO ákimshiligi tóraǵasynyń Birinshi Orynbasary Qaırat Áıtekenov, Qytaıdyń jasyl qarjy jónindegi komıtetiniń Tóraǵasy, Pekın qarjy jáne turaqtylyq ınstıtýtynyń Dırektory, G20 jasyl qarjy jónindegi zertteý tobynyń Tóraǵasy Ma Djýn, BUU-nyń Turaqty qor bırjasy bastamasynyń Tóraǵasy Djeıms Chjan, FS4S Basqarýshy dırektory Stıven Nolan jáne Climate Bonds Initiative negizin qalaýshy jáne Bas dırektory Shon Kıdnı kirdi.
Green Finance Awards 2021 syılyǵyn tapsyrý rásimi barysynda marapattar bes nomınasııa boıynsha kelesi jeńimpazdarǵa berildi:
- Úzdik Jasyl Bank – AKB «Ýzpromstroıbank», О́zbekstan. Bank О́zbekstannyń Jasyl ekonomıka strategııasyn belsendi qoldaıdy. AKB "Ýzpromstroıbank" jasyl jobalardy belsendi nesıeleýmen aınalysady jáne 682 mlrd som balamasynda jasyl nesıe portfeli bar, onyń ishinde 620 jasyl nesıe berilgen.
- Damýshy naryqtardaǵy Alǵashqy Jasyl Oblıgasııa - Georgia Global Utilities, Grýzııa. Kompanııa 2020 jyldyń 23 shildesinde 250 mıllıon dollarlyq jasyl oblıgasııalardyń alǵashqy ornalastyrylýyn sátti ótkizdi. Oblıgasııalardy shyǵarýdan túsken qarajat qoldanystaǵy kredıttik kelisimderdi qaıta qarjylandyrý jáne sýmen jabdyqtaý jáne káriz salasyndaǵy kúrdeli shyǵyndardy qarjylandyrý úshin paıdalanylatyn bolady.
- Jasyl qarjylandyrý quraldaryna arnalǵan Úzdik Bırjalyq Alań - Qazaqstan qor bırjasy, Qazaqstan. 2020 jyly Azııa Damý Banki KASE-de 14 mlrd teńge somasyna eki jyldyq jasyl oblıgasııalardy ornalastyrdy. KASE, BUU Turaqty qor bırjalary boıynsha bastamasynyń múshesi bolyp tabylady jáne jaqyn bolashaqta ESG-aqparatty ashýdy mindetti etýdi josparlap otyr.
- Jasyl qarjylandyrýdy damytýǵa qosqan zor úles - Qazaqstandaǵy BUUDB. Qazaqstandaǵy BUUDB Qazaqstan Respýblıkasynyń Indýstrııa jáne ınfraqurylymdyq damý mınıstrligimen jáne «Damý» KDQ AQ-men birlesip, Jasyl tehnologııalardy engizetin shaǵyn jáne orta bıznesti jeńildikpen kredıtteý baǵdarlamasyn iske asyrýda. Bastama aıasynda búgingi tańda 11 mlrd teńgeden astam somaǵa 100 jobaǵa qoldaý kórsetildi, onyń ishinde 2,1 mlrd teńge somaǵa 36 joba iske asyryldy. Sondaı-aq, BUUDB Qazaqstanda kýpondyq mólsherleme úshin sýbsıdııalar bere otyryp, 2020 jylǵy tamyzda Qazaqstannyń jasyl oblıgasııalarynyń alǵashqy shyǵarylymyn qoldady.
- Jasyl Qarjy boıynsha Úzdik Konsaltıng – «Green Investment Group» JShS, Qazaqstan. Osy salada jasyl ınvestısııalar men konsýltasııalyq qyzmetter kórsetýge mamandanǵan qazaqstandyq kompanııa. Kompanııa portfelinde syrtqy sholýlardy (External Reviews), energetıkalyq keshenderdi damytý strategııalaryn, ESG-saıasatty qosa alǵanda, túrli kompanııalardyń damý baǵdarlamalaryn ázirleý bar.
«Bizdiń bankti transformasııalaý úderisindegi basym baǵyttardyń biri Green Banking bolyp tabylady. Bankte jasyl kredıtter portfeliniń úlesin ulǵaıtýǵa jáne ekologııalyq jáne áleýmettik táýekelderdi basqarý júıesin jolǵa qoıýǵa jaýapty arnaıy departament quryldy. О́z tarapymyzdan bizdiń Banktiń kredıttik praktıkasyna jasyl qarjylandyrý qaǵıdattaryn neǵurlym keńinen engizý úshin budan da kóp kúsh-jiger jumsaıtyn bolamyz», dedi «Ýzpromstroıbank» AKB Basqarma Tóraǵasynyń orynbasary Zafar Azımov syılyqty tabystaý rásiminde.
Qazaqstandaǵy BUUDB Basshysy Iаkýp Berısh AHQO-ǵa yntymaqtastyq úshin alǵysyn bildirdi, bul Ortalyq Azııada jasyl oblıgasııalar shyǵarýdy qosa alǵanda, birqatar mańyzdy bastamalarǵa ákeldi.
«Sondaı-aq BUUDB Qazaqstandy tómen kómirtekti ósýge kóshirý úshin jańa ınvestısııalar tartýǵa jáne Parıj kelisimine sáıkes onyń halyqaralyq mindettemelerin oryndaýǵa qoldaý kórsetýge daıyn ekenin rastaýǵa ruqsat etińiz», dep atap ótti.
«Green Investment Group» JShS Dırektory Janna Týenbaeva: «Biz Qazaqstanda jáne búkil álemde jasyl qarjylandyrýdy ilgeriletetin belsendi qatysýshylar tobyna qosylýǵa qýanyshtymyz. Bizdiń komanda aldaǵy ýaqytta qoǵamnyń ıgiligi úshin tıimdi jumys isteý úshin barlyq kúsh-jigerin jumsaıtynyna sendirgim keledi».
AHQO jasyl qarjy ortalyǵy óńirdegi jasyl qarjylandyrý salasyndaǵy úzdik jetistikterdi qadaǵalaý boıynsha jumysty jalǵastyrady. Jeńimpazdardyń kórsetkishteri turaqty damý jáne jasyl qarjylandyrý salasyndaǵy joǵary halyqaralyq standarttarǵa sáıkestik ındıkatory bolady dep kútilýde.
