Ekonomıka • 03 Shilde, 2021

Benzınniń álemdik baǵasy 11 paıyzǵa arzandady

61 ret kórsetildi

2020 jyly álemdegi benzınniń ortasha baǵasy lıtrine 0,81 dollar boldy. Bul 2019 jylmen salystyrǵanda 11 paıyzǵa arzan. Bul týraly Halyqaralyq energetıka agenttiginiń (HEA) sarapshylary aıtty, dep habarlaıdy Egemen.kz.

HEA málimeti boıynsha, baǵanyń tómendeýi COVID-19 pandemııasyna baılanysty 2020 jyldyń birinshi jartysynda munaıdyń arzandaýyna baılanysty bolǵan.

2019 jyldan bastap arzan jáne qymbat baǵa kóshbasshylary ózgergen joq. Gonkongta eń qymbat benzın lıtrine 2,01 dollarǵa satyldy, al eń arzan benzın Iranda áli de bar-joǵy 0,32 dollar turady.

«Mundaı aıyrmashylyqty túsindiretin birneshe faktor bar. Biraq Iran munaı eksporttaýshy, al Gonkong ımporttaýshy, suranys pen salyq joǵary», dep jazady HEA srapshylary.

Jalpy alǵanda, benzın baǵasy munaı baǵasymen baılanysty. Biraq óńdeý, tasymaldaý, marketıng shyǵyndary, sondaı-aq salyqtar benzındi munaıǵa qaraǵanda edáýir qymbattatady, deıdi sarapshylar. Sonymen qatar keıbir elderde otyn baǵasyn qatań retteýge baılanysty mundaı korrelıasııa joq.

Byltyr Reseıde benzın baǵasy ortasha deńgeıden tómen bolǵan - 0,64 dollar, al 2019 jyly ol 0,7 dollar boldy. Salystyrý úshin: AQSh-ta 2020 jyly bir lıtr benzın 0,68 dollar, Belarýssııada – 0,72 dollar, al Ýkraınada - 0,89 dollar bolǵan.

Eń qymbat benzın Batys jáne Soltústik Eýropa elderinde satyldy: Germanııada - 1,48 dollar, Norvegııada - 1,56, Italııada - 1,63 jáne Fınlıandııada - 1,71 dollar.

Uqsas jańalyqtar