Áleýmettik jelilerde Almaty-Qorǵas tas jolynda beton plıtalar qaıta kóterilgeni týraly eskertý aıtylǵan vıdeolar tarap jatyr.
«Shelek jaqtan kele jatsańyz Malovodnoeǵa jetpeı betondar qaıta kóterilip ketken. Abaı bolyńdar, jigitter», deıdi vıdeo avtory.
«QazAvtoJol» málimetinshe, 2021 jyly 2 shildede «Almaty-Qorǵas» (Báıdibek Bı kenti aýdanynda) avtomobıl jolynyń aqyly ýchaskesiniń 86-shaqyrymynda aýa temperatýrasynyń kúrt kóterilýinen beton plıtalar yǵysyp, júris bóliginiń jabyny kóterilip ketken.
«QazAvtoJol» qyzmetkerleri ákimshilik polısııamen birlesip jedel túrde eskertý jol belgilerin ornatty, sondaı-aq jóndeý jumystaryn júrgizý kezinde polısııanyń patrýldik kóligi qoıyldy. Osy ýchaskedegi aqaý jedel joıyldy.
«QazAvtoJol» ýaqytsha qolaısyzdyqtar týyndaǵany úshin keshirim suraıdy jáne jol paıdalanýshylaryna ýaqtyly habardar etkeni úshin alǵys bildiredi», dedi kompanııa ókilderi.
