Ony burynǵy Torǵaı oblysy, Esil aýdany «Pobeda» aýylynyń turǵyny Zaısev degen kisi kezdeısoq taýyp alyp, mýzeı qoryna 1986 jyly tapsyrǵan.
Ǵalymdardyń zertteýinshe, atalǵan qundy dúnıe bizdiń zamanymyzdyń I-III ǵasyrlar aralyǵyna jatady. Ony arheologter sarmattar mádenıetiniń órkendegen kezi dep aıtady. Qundy jádiger kúmisten jasalǵan, juqa altyn japsyrmamen kómkerilgen, betindegi beıneler shekime túrinde berilgen. Falardyń jıegi lavr japyraǵymen kómkerilgen. Orta tusynda arystannyń bederli beınesi beınelengen onyń shyǵyńqy bóligin altynnyń býyna ustap, aptaǵan. Arystan oń jaqqa qarǵyǵan keıipte, denesi qyran pishinde, moıny joǵarydan jalmen jarylyp bederlengen. Syrtqy jaǵyna úsh ilgek japsyrylǵan.
Jalpy sarmattar kezeńine qatysty kúmis falarlar buryn da tabylǵan, biraq olar negizinen kishkentaı bolyp keledi. Al osyndaı kólemdisi sırek kezdesedi.
