Atyraý oblysy Polısııa departamenti baspasóz qyzmetiniń málimeti boıynsha, 3 shildede saǵat 19.52 shamasynda quqyq qorǵaý organdaryna 1984 jylǵy Atyraý qalasynyń turǵyny habarlasqan. Ol qala dúkenderiniń birinde mas beıtanys adammen arasynda kelispeýshilik týǵanyn habarlaǵan. 1985 jyly týǵan er adam ákimshilik hattama toltyrý kezinde polısııa qyzmetkerine qarsylyq kórsetken.
Oǵan qatysty QR ÁQBtK-niń 440 baby 3 bóligi «Alkogoldik ishimdikterdi ishý nemese qoǵamdyq oryndarǵa masań kúıde kelý» boıynsha ákimshilik hattama toltyrylyp, 14 585 teńge kóleminde aıyppul salynǵan.
Odan bólek, QR ÁQBtK-niń 434 baby 1 bóligi «Usaq buzaqylyq» jáne QR ÁQBtK-niń 667 baby 1 bóligi «Quqyq qorǵaý organy nemese arnaýly memlekettik organ, áskerı polısııa organy qyzmetkeriniń (áskerı qyzmetshisiniń), sot prıstavynyń, sot oryndaýshysynyń zańdy ókimine nemese talabyna baǵynbaý» boıynsha ákimshilik hattama toltyrylyp, sot sheshimimen 36 jastaǵy azamatqa 14 585 teńge kóleminde aıyppul salynyp, 10 táýlikke ákimshilik qamaýǵa alynǵan.
