Qaıǵyly oqıǵa 5 shildede saǵat 00.24-te Aqmola oblysy Selınograd aýdany Qajymuqan kentiniń aýdanynda oryn aldy.
«30 jastaǵy júrgizýshi rýldi basqara almaı, Lexus GS 300 avtokóligi aýdarylyp ketken. Jol-kólik oqıǵasy saldarynan júrgizýshi túrli jaraqatpen aýrýhanaǵa jetkizildi. Polısııa qyzmetkeri bolǵan 35 jastaǵy jolaýshy oqıǵa ornynda kóz jumdy. Atalǵan fakti Aqmola oblysynyń polısııa departamentinde tirkelgen, tergeý júrgizilýde», dep habarlady quqyq qorǵaý organdary.
Nur-Sultan qalasynyń PD baspasóz qyzmeti marqumnyń Saryarqa aýdanynyń qylmystyq izdeý bóliminiń bastyǵy bolyp jumys istegenin habarlady. Kólikti júrgizip kele jatqan adam da polısııa qyzmetkeri ekeni belgili boldy.
