Aqtóbedegi Jylqyshylar qaýymdastyǵy mańǵystaýlyqtarǵa 1370 orama men 1 myń taı shóp daıyndady.
«Shyńǵys», «Jansaıa», «Qaısar», «Ádilbek», «Aıjaryq», «Alaqozy», «Kókúı», «Arman-M», «Nur» sekildi birneshe sharýalyqtar birikken.
«О́z tarapymyzdan kómek kórsetýdiń eki jolyn usyndyq. Daıyn mal azyǵyn adamdar ózderi alyp ketset bolady. Ol kezde biz bárin tegin tıep beremiz. О́zderi ákete almaıtyn sharýalarǵa jem-shópti ózimiz jetkizip beremiz. Al olar, óz kezeginde, Aqtóbedegi shóp qunyn tóleıdi. Sonymen qatar, kómekke asa muqtaj otbasylarǵa tegin jetkizýdi josparlap otyrmyz. Biraq bunyń qıyndyǵy - halyq arasynda talas týýy múmkin. Qalaı desek te, biz osy arqyly mańǵystaýlyqtardy qıyndyqta qoldaıtynymyzdy, tyǵyryqtan shyǵar joldy birge izdeıtinimizdi kórsetemiz. El basyna qıyn kún týǵanda birigý qajet. Usynysymyzdy kóbisi qoldady», dedi «Jantizer» ShQ basshysy Baqytjan Erjanov.
Qazirgi kezde aýa raıyna baılanysty tasymaldaý jumystary ýaqytsha qıyndyq kórýde.
«Mańǵystaý oblysy ákiminiń orynbasarymen tirkeleı baılanys ornattyq. Shóp alýǵa kelgenderdiń naǵyz sol jaqtyń turǵyny ekenin aldyn ala anyqtap alamyz», dedi Baqytjan Erjanov.
