Almaty qalasynyń qoǵamdyq densaýlyq basqarmasynyń málimeti boıynsha, qutqarýshylar tapqan Álııa Kamıev №7 Qalalyq klınıkalyq aýrýhanaǵa jetkizgen.
«Reanımasııa zalynda dárigerlerdiń mýltıdıssıplınarlyq brıgadasy qyzdy shuǵyl qarap, barlyq qajetti zerthanalyq-dıagnostıkalyq, aspaptyq tekserý ádisteri júrgizildi. Aýrýhanaǵa túsken kezdegi qyzdyń jaǵdaıy aýyr boldy», dedi basqarma ókili.
Qazir qyz odan ári emdeý jáne baqylaý úshin jansaqtaý, anestezıologııa jáne qarqyndy terapııa bólimine jatqyzylǵan.
Aıta keteıik, Álııa Kamıeva 5 shildede tańerteń BAO aýdanyna telefonsyz shyǵyp, joǵalyp ketken bolatyn. Izdestirý-qutqarý jumystaryna qutqarýshylar men 75 erikti jiberildi. Joǵalǵan adam 8 shildede 10.56-da tabyldy.
