Agenttik tóraǵasynyń aıtýynsha, Parlament jumysy aıaqtalǵanǵa deıin Májiliske tıisti túzetýler engizilgen.
«Túzetýlerdiń biri negizsiz baıý úshin jaýapkershilikti engizý bolady. Bul bıyldan bastap iske qosylǵan jalpyǵa birdeı deklarasııalaý tetiginiń logıkalyq jalǵasy», dedi ol.
Agenttik shyǵysy zańdy kirisinen edáýir asatyn memlekettik qyzmetshilerdiń jaýapkershiligin kúsheıtýdi usynǵan. Bul jaǵdaıda sheneýnikke aıyppul salý nemese ony jumystan bosatý qarastyrylady. Osy rette Qazaqstan EYDU-nyń salyq aqparatyn Avtomatty almasýdyń Dúnıejúzilik júıesine qosylyp jatyr.
«Onyń kómegimen biz sheteldik shottar men aktıvter týraly málimetter alý múmkindigine ıe bolamyz. Endi jemqorlar aqshany shetelde jasyra almaıdy», dep atap ótti Ahmetjanov.
Vedomstvo basshysy sózinshe Antıkor qyzmetinde sybaılas jemqorlyqtyń aldyn alý birinshi orynǵa shyǵady. Onyń aıtýynsha, 6 aıda 180-nen astam taldaý men monıtorıng júrgizildi. Olar boıynsha 2200-ge jýyq usynym men usynys berildi.
Agenttik tóraǵasy memlekettik organdar engizilgen usynystardy árdaıym oryndaı bermeıtinin de atap ótti.
«О́tken jyldyń sáýir aıynda biz Energetıka mınıstrligine ótinimderdi qaraý jáne gaz kólemin bólý tártibin ózgertý boıynsha usynys bildirdik. Onda sybaılas jemqorlyq normalary kóp boldy. Mınıstrlik elemedi. Nátıjesinde qarasha aıynda naryq sýbektilerinen para alǵan basqarma basshysy N.Amangeldiuly ustaldy. Osydan keıin ǵana rásimder ózgertildi», dedi vedomstvo basshysy.
Sheshim retinde Agenttik memlekettik baqylaýdyń jeke salasy retinde sybaılas jemqorlyqqa qarsy is-qımyl máselelerin aıqyndaý jolymen baqylaýdyń, baǵalaýdyń jáne yqpal etýdiń tıimdi tetigin qurýdy usynady.
«Bul bizge qosymsha ókilettikter bermeıdi, biraq memlekettik apparat pen azamattardy qylmystyq orbıtadan qorǵaýǵa múmkindik beredi», dep túıindedi ol.
