Aımaqtar • 09 Shilde, 2021

Jambyl oblysynda júzge jaqyndaǵan áje vaksına saldyrdy

95 ret kórsetildi

Jambyl oblysynyń Shý aýdanyna qarasty Jańa jol aýylynyń 96 jastaǵy turǵyny Ifrat Halıapova koronavırýsqa qarsy vaksınanyń ekinshi dozasyn qabyldady, dep jazady Egemen.kz.

Jasy júzge taıap qalǵan keıýana aǵymdaǵy jyldyń 12 mamyry kúni «Spýtnık-V» vaksınasynyń alǵashqy dozasyn saldyrǵan eken. Jańa jol aýylyndaǵy dárigerlik ambýlatorııanyń ýchaskelik medbıkesi Gúlmıra Alıeva Ifrat Halıapovanyń jaǵdaıynyń birqalypty ekenin aıtty. Jalpy, Jańa jol aýylynda 2910 adam turatyn bolsa, onyń 1341turǵyny vaksına saldyrýy tıis eken. Búgingi tańda 572 turǵyn erikti túrde ekpe saldyrypty.

«Ifrat Halıapova buǵan deıin densaýlyǵyna baılanysty shaǵymdanǵan emes. Ekpe saldyrmas buryn ájeıdiń densaýlyǵynyń durystyǵyna ábden kóz jetkizip, qajetti sharalardyń barlyǵyn jasadyq. Kúndelikti jaǵdaıyn bilip turamyz», deıdi medbıke.

Ifrat Halıapova Uly Otan soǵysy kezinde de tylda eńbek etken qaısar jan. Sondaı-aq kezinde qant qyzylshasyn egýmen aty shyqqan Shý aýdanyndaǵy bedeldi qyzylshashylardyń biri bolǵan. Búgingi tańda 6 balasynan órbigen 13 nemere-shóbereleriniń ortasynda shattyqqa toly kún keship otyrǵan qart ana aýrýdan aıyǵýdyń jalǵyz joly ekpe saldyrý ekenin aıtady.

«Men ekpeni ózim úshin saldyrǵan joqpyn. Artymnan ergen ul-qyzdarym men nemere-shóberelerimniń densaýlyǵyna alańdadym. Bul indetten japa shekkenderdi kózimizben kórdik. Jaqynyńnan aıyrylýdyń qanshalyqty aýyr ekenin jaqsy bilemin. Sondyqtan da kesh bolmaı turǵanda vaksına saldyrý kerek», deıdi Ifrat Halıapova

Sońǵy jańalyqtar

Ekibastuz qalasynyń ákimi taǵaıyndaldy

Taǵaıyndaý • Búgin, 16:42

Mal dárigerleriniń jalaqysy ósedi

Qazaqstan • Búgin, 16:27

Dollar qymbattady

Ekonomıka • Búgin, 16:15

Elordada Astana Open týrnıri ótedi

Tennıs • Búgin, 14:01

Kúzde aýa raıy qandaı bolady

Aýa raıy • Búgin, 13:33

Ulttyq qorǵa 3,4 trln teńge tústi

Qarjy • Búgin, 12:54

Uqsas jańalyqtar