Zııatkerlik mektep túlekteri Halyqaralyq Bakalavrıat emtıhandaryn sátti tapsyryp, mektep tarıhyndaǵy eń joǵary kórsetkishti kórsetti: dıplomnyń ortasha baly 34 balldy qurady. Sondaı-aq, 1 oqýshy 45-ten 44 ball jınady, ony álemde barlyq túlekterdiń tek 1%-y alady. Mekteptiń 20 túlegi 40 baldan joǵary jınady: 44 ball - 1; 43 ball - 1; 42 ball - 2; 41 ball - 7; 40 ball – 9 oqýshy.
Halyqaralyq bilim synaǵynda top jarǵan túlekterimiz Dıplomdyq baǵdarlama emtıhandary, mektep týraly oılarymen bólisti.
Nátıjeler jarııalanǵan kezde men ata-anammen birge meıramhanada boldym. Meniń emosıonaldy reaksııam kóptegen adamdardyń nazaryn aýdardy. Emtıhan nátıjesin kórgende kózime jas kelip, qýanyshymda shek bolmady. Jalpy, mekteptiń ár oqýshysy joǵary upaı jınaýǵa tyrysady, óıtkeni bul Dıplomdyq baǵdarlamada oqýdyń eki qıyn jylynda jasalǵan barlyq jumystardyń baǵasy. Men joǵary nátıjege qol jetkizýge tyrystym jáne alǵan upaıyma óte rızamyn. Meniń barlyq kúmándarym men ýaıymdarym joıylyp, dál osy bir sátte ózimdi baqytty sezindim, - dep qýanyshyn jasyrmady 44 balldyń ıesi Anel Jýsýbalı.
Emtıhanda 43 ball jınaǵan Eldar Ýrkýmbaev daıyndyqty Dıplomdyq baǵdarlamanyń alǵashqy jylynan-aq bastaý kerektigin alǵa tartady.
«Dıplomdyq baǵdarlamanyń eki jylynda men sabaqtardy sebepsiz qaldyrmaı, júıeli túrde daıyndaldym. Ustazdarymyz emtıhanda qajet bolatyn orasan zor bilim nárimen sýsyndatty. Bar zeıinim men yntamdy salyp oqý arqyly ózimniń, ata-anamnyń, ustazdarymnyń maǵan artqan úmitin aqtaı aldym dep oılaımyn. Nazarbaev Zııatkerlik mektebinde oqyǵan jyldar ishinde ózara qarym-qatynas qura bilýdiń mańyzdylyǵyn túsindim. Ortamen tez til tabysý daǵdysy ómirimde kóp kómektesti», deıdi Eldar.
Elordalyq NIS dırektory Sabyrjan Sadýaqasovtyń aıtýynsha, Halyqaralyq Bakalavrıattyń bilim berý baǵdarlamasy bizdiń túlekterge halyqaralyq deńgeıde básekege qabiletti bolýǵa jáne álemniń eń jaqsy ýnıversıtetterinde oqýǵa múmkindik beredi.
Qazirgi karantındik jaǵdaıǵa jáne pandemııa jaǵdaıynda oqytýdyń jańa formatyna qaramastan, NIS IV komandasy joǵary nátıje kórsetti. Mektep aımaqtaǵy eń joǵary ball jınaǵan túlekterdiń eń kóp sany qatysqan alǵashqy tegin oqý orny atandy. Bizdiń qoǵamdastyqtyń barlyq muǵalimderiniń, úılestirýshileriniń, emtıhan alýshylarynyń jáne ata-analarynyń arqasynda, olardyń qushtarlyǵy men adaldyǵy bilim berý arqyly jaqsy álem qurý jónindegi mıssııamyzdy oryndaýǵa múmkindik beredi.
«Men mektebimizdiń túlekterin jetistikterimen shyn júrekten quttyqtaımyn. Olar bilimge degen qushtarlyǵyn, tabysqa jetýge degen sheshimin jáne joǵary sapaly daıyndyqpen qamtamasyz etilgen kelesi qadamdy alatyndyqtaryna senimdilikterin kórsetti», dep Sabyrjan Sadýaqasov óz áserimen bólisti.
Halyqaralyq Bakalavrıat emtıhanynyń nátıjesi boıynsha 42 ball jınaǵan Alııa Sambaeva men Dılnaz Ýtemısova óz upaılaryn bilgende qýanyshtarynda shek bolmaǵanyn aıtady. Alııanyń pikirinshe, NIS oqýshysy úsh negizgi qasıetke: zeıindi, jaýapkershil, oılampaz qasıetterine ıe bolýy kerek. Al Dılnaz zııatkerlik mektepten eń qundy sabaq ala bilgenin aıtady. Ol – ýaqyt, oryn jáne jaǵdaıǵa qaramastan, ózińe degen senimdiliktiń bolýy.
Aıta ketý kerek, 2021 jyldyń 6 shildesinde Halyqaralyq Bakalavrıattyń Dıplomdyq baǵdarlamasy (DP) boıynsha 12-synyp oqýshylarynyń emtıhandarynyń nátıjeleri jarııalandy. Nátıjesinde 153 túlek Halyqaralyq Bakalavrıat dıplomyn aldy. HB Dıplomdyq baǵdarlamasynyń dıplomy túlekterge mindetti daıyndyq jylyn - Foundation-dy aınalyp ótip, birden 1 kýrsqa oqýǵa túsýge múmkindik beredi.
