Aımaqtar • 10 Shilde, 2021

Almatyda 40-qa jýyq mekeme Ashyq jobasynan shyǵaryldy

63 ret kórsetildi

Qala ákimdiginiń málimetinshe, eki aptalyq tekserýden keıin 39 kásipker Ashyq júıesinen shettetilgen.. Endigi jerde talap saqtamaǵany úshin olarǵa júıege kirýge tyıym salyndy.  Búginde qala boıynsha jobada 2300-den astam qatysýshy bar. Ashyq júıesi karantın rejıminde jumysty qalpyna keltirýge septigin tıgizdi. Kásipkerlik nysandardyń jumysyn monıtorıngtik toptar tekseredi, dep habarlaıdy Egemen.kz.

Joba tekserýshileriniń aıtýynsha, jobadan shettetilýge kelýshilerdiń mekemege kirgen kezde QR-kod arqyly skanerlenbeýi sebep bolǵan.  Jobanyń aýtsaıderleri jobadan shyǵarylady. Jobada jaqsy qyrymen tanylǵan 108 qatysýshy bar. Adal kásipkerlerdiń arqasynda osy jyldyń 9 sáýiri men 1 shildesi aralyǵynda Ashyq mobıldi qosymshasynyń kómegimen Almatynyń 1463 turǵynynda 2 qyzyl mártebesi, 372 turǵynynda sary mártebesi bar.

Qyzyl mártebesi bar adamdar tamaqtaný oryndarynda anyqtaldy. Mysaly, onlaın rejıminde qyzyl mártebesi bar 295 jáne sary mártebesi bar 40 qala turǵyny tirkeldi. Sondaı-aq áýejaıda vırýs juqtyrǵan jáne baılanysta bolǵan adamdar anyqtaldy.  Qyzyl mártebesi bar 46 turǵyn men sary mártebesi bar 9 adam rastaldy.

Tekserýshiler kásipkerlerge túsindirý jumystaryn júrgizdi. Sondaı-aq basqa kelýshilerdiń indetti juqtyrmasy úshin karantın talaptaryn oryndaý qajettiligi eskertildi.

Almatynyń 40 monıtorıngtik toby karantın talaptarynyń saqtalýyn tekserýde. Alaıda megapolıs turǵyndary, oıyn-saýyq oryndarynyń ıeleri karantın shekteýlerin elemeı, banket, toı ótkizip, jınalys uıymdastyrýda. Jyl basynan beri karantın talabyn saqtamaǵandarǵa jalpy somasy 341 mln teńge kóleminde 4634 hattama toltyryldy.

Almaty qalasynyń Sanıtarlyq-epıdemıologııalyq baqylaý departamenti taratqan málimetke sáıkes bıyl 28910 nysan tekserilip, karantın sharalaryn buzǵan 2546 nysan anyqtaldy.

4634 hattama jasalsa, sonyń ishinde zańdy tulǵalarǵa 157 596 260 teńge somasyna 450 hattama toltyryldy. Jeke tulǵalarǵa qatysty betperde rejımin buzǵany úshin 183 464 715 teńge somasyna 4184 hattama toltyryldy.

Júıeli buzýshylyqtar úshin mamandandyrylǵan aýdanaralyq ákimshilik sottarǵa 75 materıal joldandy. Onyń 64-i boıynsha qyzmetti toqtata turý týraly sheshim qabyldandy.

Mysaly, 8 shildege qaraǵan túni Almatyda belgilengen shekteýlerdi buzǵan 11 jaǵdaı anyqtaldy. Osy túni Bostandyq aýdanyndaǵy monıtorıngtik top ókilderi Paradise kafesin tekserdi. Kafede 150-ge jýyq adam boldy. 

Osy ýaqytta Almaly aýdanynda tekserýshiler shamamen 70 kelýshi bolǵan Taglaýra kafesin  anyqtady.

Keıbireýi karantın sharalaryn buzsa, Almatynyń basqa turǵyndary koronavırýs indetinen emdelýde. 9 shildede megapolıste qaýipti indetti juqtyrǵan 491 jańa naýqas tirkeldi.

Almaty qalasynyń ákimdiginde turǵyndardy qandaı da bir merekege barýǵa kelispes buryn adam kóp jınalatyn oryndarǵa barýdan bas tartýǵa shaqyrdy. Jabyq úı-jaılarda qala turǵyndary óz densaýlyǵyna qaýip tóndiredi.

Sarapshylardyń aıtýynsha, tek birlesken kúsh-jiger ınfeksııanyń qarqyndy taralýyn tejeıdi. Almaty qalasynda indetti aldyn alý úshin epıdemıologtar, sanıtarlyq dárigerler, aýrýhanalardyń, emhanalardyń, gospıtaldardyń medısınalyq personaly qolynan kelgenniń bárin jasaýda. Bul jaǵdaıda olarǵa turǵyndardyń da kómegi qajet.

 

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar