Shekarashylar barlyǵy 325 gramm bolatyn zańsyz taýardy «Rapıskan» rentgen-televızııalyq apparatyarqyly anyqtaǵan. Ustalǵan áıel qoraptyń ishinde ne bar ekenin bilmegenin, shekaradan kezdeısoq tanysynyń ótinishi boıynsha alyp ótýge kelisim bergenin aıtady. Kontrabandalyq júkke qatysty is materıaldary mán-jaıdy anyqtaý úshin Qostanaı oblysynyń ekonomıkalyq tergeý departamentine jiberildi.
Dál osy kúni atalmysh bekette «Maıa» atty shekarashy ıttiń kómegimen jalpy salmaǵy 15 gramm bolatyn esirtki zatyn jasyryn alyp ótpek bolǵan QR azamaty ustaldy. Bul azamat Qarabalyq aýdanynyń polısııa bólimine tapsyryldy.
«Shekarashylar shetelge saparǵa shyqqan azamattarǵa beıtanys adamdardyń ishinde belgisiz zattary bar júkter men sálemdemelerdi shekaradan alyp ótý týraly ótinishine qulaq aspaýdy eskertedi. Zańmen tyıym salynǵan nemese shekteý qoıylǵan zattardy shekara arqyly tasymaldaýdan bas tartýdy usynamyz» dep málimdedi UQK baspasóz qyzmeti.
Qostanaı oblysy
