Aıtqandaı, Oralhannyń shyǵarmalaryna bas qoısańyz, qalanyń qaýyrt tirshiligin bir sátke umytyp, aýyldyń keń kóshesin kezip júrgendeı kúıde bolasyz. Endi óskemendikter jazýshy shyǵarmalaryn aıaldamada turyp-aq oqýlaryna bolady. Naqtyraq aıtsaq, Ertisti jaǵalaı jatqan E.P.Slavskıı kóshesindegi aıaldamalar kitaphana úlgisinde qaıta jasaldy. Aıaldamadaǵy kórnekilik taqtasynda kórsetilgen QR-kod arqyly Oralhan Bókeıdiń shyǵarmalaryn tańdap alyp, oqı beresiz. Bul ıgi bastamaǵa qala turǵyndary rıza.
– Kimniń oıyna kelse de, durys bastama boldy. Aıaldamada bosqa telefonǵa telmirgenshe, onlaın bolsyn áńgime oqyp turýǵa bolady. Onyń ústine, О́skemende avtobýstar sırek júredi. Kerek baǵytyń kelgenshe, bir kitapty aýdaryp tastaýǵa bolady, – deıdi ázil-shynyn aralastyra pikir bildirgen Nazerke Toqanova.
Uıaly telefonda aqparat jetip artylady. Kereginen kereksizi kóp-aý. Turǵyndar qaýyzy bar, dáni joq jazbalardy sanasyna sińirgenshe, jazýshynyń jan dúnıesine úńilip, rýhanı azyq tapqany áldeqaıda tıimdi emes pe?! Áıteýir telefonǵa táýeldi ekenbiz, ishinen az da bolsa kerek dúnıe alýǵa talpynǵan jón. Oralhan Bókeı atyndaǵy kitaphana basshylyǵynyń aıtýynsha, bul bastama áli de jalǵasyn taba bermek.
О́skemen
