Qoǵam • 12 Shilde, 2021

Qajylyqqa barý úshin jalǵan vaksına pasportyn alǵan

160 ret kórsetildi

Almaty qalasynda qajylyqqa baratyn adamdarǵa jalǵan vaksına pasportyn rásimdegen týrıstik kompanııa anyqtaldy. Bul týraly Ishki ister mınıstrliginiń baspasóz ókili Shuǵyla Turlybek málimdedi, dep habarlaıdy Egemen.kz.

Ishki ister mınıstrliginiń baspasóz ókili Shuǵyla Turlybektiń aıtýynsha, Almaty qalasynda qajylyqqa baratyn adamdarǵa jalǵan vaksına pasportyn rásimdegen týrıstik kompanııa anyqtaldy.

«Memleket basshysy Qasym-Jomart Toqaev koronavırýspen kúresýdiń birden-bir joly ári senimdi ádisi vaksına ekenin atap ótken bolatyn. Keı azamattar qazirgi jaǵdaıdy paıdalanyp, tabys tabýǵa tyrysyp júr. Olar PTR testileý qorytyndysy men vaksına pasportyn qoldan jasap satady. Osylaısha vırýstyń taralýyna sebepker bolady. Jyl basynan beri ishki ister organdardy PTR testileý qorytyndysy men vaksına pasportyn qoldan jasaýdyń, sondaı-aq, olardy paıdalanýdyń 30 jaǵdaıyn tirkedi», deıdi Shuǵyla Turlybek.

Ishki ister qyzmetkerleri ınternet jelisinde monıtorıng júrgizý kezinde derekter bazasynda resmı tirkelmegen anyqtamalardy nemese vaksına pasporttaryn daıyndaý týraly jalǵan usynystardy anyqtap otyrady.

«Mysaly, Almaty qalasynda qajylardyń Saýd Arabııasyna ketýin rásimdeý kezinde vaksına pasportyn jappaı daıyndaýǵa qatysy bar týrıstik kompanııa anyqtaldy. Qazir sotqa deıingi tergeý júrgizilip jatyr. Tintý kezinde uıymdastyrý tehnıkasy, mórler jáne blank ónimderi alynyp, sot saraptamalary taǵaıyndaldy. Jalǵan qujat daıyndaǵany úshin 4 jylǵa deıin bas bostandyǵynan aıyrý, al ony paıdalanǵany úshin 40 táýlikke deıin qamaýǵa alý túrindegi qylmystyq jaýapkershilik qarastyrylǵan. Quqyq qorǵaý qyzmetkerleri ınternettegi PTR-test anyqtamasy men vaksına pasportyn usynatyn habarlamalardy jiti baqylaýǵa alǵan. Biz qazirdiń ózinde ýákiletti organǵa buǵattaýǵa jatatyn osyndaı 35 habarlandyrýdy anyqtap, joldadyq. Ishki ister mınıstrligi osy indetpen baılanysty barlyq qylmystyq kórinisterge erekshe nazar aýdarady», deıdi Ishki ister mınıstrliginiń baspasóz ókili.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar