Ázirge bul múmkindik halyqtyń 20%-da ǵana bar. Oblys ákimi О́mirzaq Shókeev jańa strategııalyq nysannyń jumysymen tanysyp, jaýapty sala basshylaryna birqatar tapsyrmalar júktedi.
Qurylys barysynda 25 myń shaqyrymnan astam qubyr tartylyp, Túrkistan qalasyndaǵy ortalyq sý qoımasyna qosymsha 5000 m3 rezervýarlar salynǵan. Qaladaǵy barlyq eski jáne jańadan boı kótergen ǵımarattarǵa káriz júıesi júrgizildi.
Jańa sý arnasy tolyq zamanaýı tehnıkamen jabdyqtalǵan. Energııa únemdeıtin joǵary tehnologııalyq qondyrǵylar qoıylǵan sý sharýashylyǵy qalany sýmen jabdyqtaý jáne sý burý júıesi arqyly tıimdi qamtamasyz etýge baǵyttalǵan iri operatorǵa aınalýǵa múmkindigi bar.
Túrkistan qalasyn úzdiksiz sýmen qamtamasyz etetin jańa mekeme – tolyq avtomattandyrylǵan úlken óndiristik keshen. Uńǵymalar arqyly qýatty sorǵylar kóp metrlik tereńdikten tiri ylǵalǵa ıe bolady jáne ony magıstraldy sý qubyryna beredi. Zararsyzdandyrylǵan, taza aýyz sýmen halyqty qamtamasyz etetin jańa sý arnasynda sý shyǵyny tolyq baqylaýda. Sorǵylardyń jaı-kúıi, sý kólemi, qubyrdaǵy qysym jáne basqa da derekter dıspetcherlik bekettiń monıtorlarynda kórsetiledi.
