«Qurylys materıaldary baǵasynyń negizsiz ósýin tómendetý maqsatynda «Marketpleıs» atty arnaıy aqparattyq alań qurý kózdelip otyr. Iаǵnı, otandyq qurylys materıaldaryn onlaın satý alańy. Memlekettiń qoldaýymen qurylys materıaldaryn satýǵa arnalǵan onlaın saýda alańy belgilengen baǵany ustap turýǵa múmkindik beredi. Bul óz kezeginde baǵanyń 15 paıyzǵa arzandaýyna jáne qurylys materıaldary naryǵynyń ashyqtyǵyn qamtamasyz etedi», dedi Q. О́skenbaev OKQ-de ótken baspasóz máslıhatynda.
Vıse-mınıstrdiń málimdeýinshe, ótken jyly «Nurly jer» memlekettik baǵdarlamasy aıasynda qurylys materıaldaryn óndirýshiler men qurylys kompanııalaryna arnalǵan www.stroimaterial.kz saıty iske qosyldy.
«Atalǵan saıt «Nurly jer» memlekettik baǵdarlamasy aıasynda júzege asyrylǵan birinshi joba, al endi qolǵa alynǵan «Marketpleıs» sonyń jalǵasy, ekinshi kezeń deýge bolady. Bul onlaın saýda alańynda óndirýshiler óz ónimderin usyna alady. Onda barlyq prosess onlaın túrde júrgiziledi, ıaǵnı kelisimsharttar ESQ kómegimen jasalady.
Sondaı-aq logıstıkalyq kompanııalardyń taýardy jetkizýin baqylaıtyn arnaıy fýnksııa iske qosylatyn bolady», deıdi ol.
