Bilim • 12 Shilde, 2021

Úkimet jastardy qoldaý úshin jańa grant taǵaıyndady

1933 ret kórsetildi

2021 jyly 8 shildede Qazaqstan Respýblıkasynyń Úkimeti jastarǵa arnalǵan «Táýelsizdik urpaqtary» atty jańa grantyn taǵaıyndaýdy sheshti, dep habarlaıdy Egemen.kz.

«Grantty taǵaıyndaýdyń maqsaty – jastardyń belsendi ári shyǵarmashyl jastar qaýymdastyǵyn qalyptastyrýǵa baǵyttalǵan jáne qoldanystaǵy bastamalaryn memlekettik negizde qoldaý», delingen qujatta.

Grant taǵaıyndaý mindetteri: 

  1. Talantty jáne talapty jastardy qoldaý;
  2. Eldiń áleýmettik-ekonomıkalyq damýy úshin praktıkalyq qyzyǵýshylyq tanytatyn jastardyń ınnovasııalyq jobalary men ǵylymı-tehnıkalyq ázirlemelerin anyqtaý jáne qoldaý;
  3. Jastardyń jańa jáne qoldanystaǵy startap-jobalaryn iske asyrýǵa járdemdesý;
  4. Jastar arasynda shyǵarmashylyq qyzmetti nasıhattaý.

Granttyń mólsheri men sanyn Úkimet jyl saıyn belgileıdi.

Granttar QR azamattaryna kelesi baǵyttar boıynsha jańa ıdeıalar men bastamalardy iske asyrý úshin konkýrstyq negizde beriledi:

«Ǵylym» - ǵylymnyń basym sektorlarynda jańa ǵylymı jobalar men zertteýlerdi iske asyrý úshin;
«Mádenıet» - Qazaqstannyń mádenı murasyn tanymal etýge, halyqtyq mádenı dástúrler men ónerdi ilgeriletýge baǵyttalǵan jobalardy iske asyrý úshin;
«Aqparattyq tehnologııalar» - jańa IT-sheshimder men jobalardy, onyń ishinde bastaýshy startap-jobalardy iske asyrý jáne ázirleý úshin;
«Bıznes» - ekonomıkanyń basym sektorlarynda jańa bıznes-ıdeıalardy iske asyrý úshin;
«Medıa» - jańa medıa-jobalardy, onyń ishinde jastar úshin tanymdyq, paıdaly, qyzyqty kontentti qurý jónindegi jobalardy iske asyrý úshin.

Konkýrstyq ótinimder memlekettik nemese orys tilderinde qabyldanyp, kelesi sharttar oryndalýy tıis:

  1. Jobanyń sıpattamasy;
  2. Jobanyń beıne-prezentasııasy (60 sekýndtan artyq emes);
  3. Shyǵyndar smetasynyń jobasy;
  4. Zııatkerlik menshik týraly málimetter (bar bolsa).

Qujat 2021 jylǵy 20 shildeden bastap qoldanysqa engiziletin bolady.

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Uqsas jańalyqtar