Ál-Farabı atyndaǵy QazUÝ basqarma tóraǵasy – rektory Janseıit Túımebaev bul rýhanı muranyń erekshe qundylyǵyna toqtalyp, «Baqytjan Álisheruly búgin bizge úlken mıssııamen kelip, ata-babasynan qalǵan jáne óziniń zertteýshilik qabiletimen ómir boıy jınaǵan ádebıet, din, tarıh, til, geografııa salalaryn qamtyǵan jınaqtardy Ál-Farabı atyndaǵy Qazaq ulttyq ýnıversıteti kitaphanasyna arnaıy tapsyryp otyr.
О́te sırek kezdesetin jádigerler arab, parsy, shaǵataı tilderinde jazylǵan, kóne ǵasyrlardan búgingi dáýir aralyǵyn qamtıdy. Bul eńbekterdiń arasynda Ortalyq Azııa ǵana emes, erte kezderde dúnıe júzinde jaryq kórgen qundy kitaptardyń úlgileri bar.Biz bul rýhanı qazynany kitaphanamyzǵa qabyldap qana qoımaı, shyǵystanýshy, lıngvıst, tarıhshy ǵalymdarymyzdan jumys tobyn quryp, arnaıy saraptama jasap, olardy suryptap, taqyryptyq baǵyttaryna baılanysty salalarǵa bólip, naqty zertteýler júrgizetin bolamyz. Bul kitaptardy zerdeleý barysynda olardyń mazmunyn jeke-jeke taldap, astaryna úńilip, rýhanı, ǵylymı qundylyǵyna naqty baǵasyn beretin bolamyz», dedi.
Ýnıversıet basshysy Baqytjan Álisherulyna Ál-Farabı kitaphanasyna tapsyrǵan qundy kitaptary úshin oqý orny ujymynyń atynan alǵys aıtyp, el ishinde, jeke otbasylyq qorda jatqan babalar murasyn kitaphana, murajaılarǵa tapsyrýdyń izgi dástúrge aınaldyrýdy qup alatynyn jetkizdi. Bul keıingi jas urpaqtyń ulttyq tanym-túsinigi men oı-sanasyn damytýǵa oń yqpalyn tıgizetinin atap ótti.
Baqytjan Álisherulynyń sózine súıensek, ýnıversıtetke tapsyrylǵan 246 kitap atasy Dúısenbek Qabylanbaıuly aqsaqaldyń jınaǵan muralary eken.
Dúısenbek Qabylanbaıuly jınaǵan kitaptar budan da kóp bolýy múmkin. О́ıtkeni keıbir kitaptar ózge adamdarǵa, týystarǵa syıǵa berilip ketken kórinedi.
Ýnıversıet kitaphanasyna tapsyrylǵan kitaptardyń ishinde 1324 jyly Mysyr baspasynan shyqqan Quran Kárimnen bastap Pákistan, Úndistan, Túrkııa, Qazan baspalarynda basylǵan ádebı, tarıhı, dinı kitaptar bar.
«Egemen-aqparat»
