The Athletic ınsaıderi Lens Pagmaırdyń málimetine sensek, orta salmaqtaǵy IBF/IBO álem chempıony Gennadıı Golovkın atalmysh aıqasqa qyzyǵýshylyq tanytyp otyrǵan joq.
Bul jaıynda Pagmaırǵa DAZN strımıng servısindegi aqparat kózi habarlaǵan.
«Maǵan Golovkınniń 31 jeltoqsan kúni Japonııada Rıoto Mýratamen ótedi dep josparlanǵan jekpe-jekke deıin Demetrıýs Andrademen judyryqtaspaıtyny jaıly habar keldi», dep jazdy ol Twitter paraqshasynda.
Osyǵan deıin dál osy aqparat kózi Gennadıı Golovkınniń qyrkúıekte Saýl Alvarespen úshinshi márte kezdesýge kelisim bergenin málimdegen edi.
Alaıda bul usynystyń qanshalyqty naqty ekeni ázirge beımálim.
Aıta keteıik, ınsaıderlik aqparatqa Demetrıýs Andrade jaýap qatyp, narazylyǵyn bildirip úlgerdi.
«Árıne, GGG menimen jekpe-jekke shyqpaıdy. DAZN, ony búkil tıtýlyn biriktirýge kóndirińder» dep jazdy Andrade Twitter paraqshasynda.
