Sport • 13 Shilde, 2021

Tokıo-2020: Qazaqstan sportshylary týraly qyzyqty 10 derek

745 ret kórsetildi

Búkil álem taǵatsyzdana kútken tórtjyldyqtyń basty dodasynyń bastalýyna nebári on kún qaldy. Týra on kúnnen keıin 23 shilde kúni Japonııa astanasy Tokıoda ótetin HHHII jazǵy Olımpıada oıyndary bastalady. Qazaqstan Olımpıadalyq quramasy búginde barlyq sport túrlerinen Olımpıada oıyndaryna degen daıyndyqtyń sońǵy kezeńin ótkizip jatyr. Tokıo Olımpıadasynyń on kún qalýyna oraı tilshimiz Olympic.kz saıtyna silteme jasap, Qazaqstan sportshylary týraly on derek usyndy.

  1. Qurama sapynda 63 er jáne 32 áıel

Qazaqstan olımpıadalyq quramasy Tokıo tórinde 27 sport túrinen baq synaıdy. Japonııa jerinde 95 otandyq atlet el namysyn qorǵaıdy. Qurama sapynda 63 er jáne 32 áıel sportshy bar. 

 

  1. Qos atlet Tý ustaıdy

Qazaqstandyq ataqty sportshy, London Olımpıadasynyń chempıony, jazǵy Olımpıadanyń júldeler jıyntyǵynyń tolyq ıegeri Olga Rypakova jáne bokstan ulttyq quramanyń kapıtany, álem chempıonatynyń eki dúrkin kúmis júldegeri Qamshybek Qońqabaev Tokıoda Qazaqstan Olımpıada quramasynyń Tý ustaýshylary retinde tańdaldy.

 

  1. «Salta» brendimen jasalǵan forma 

Otandyq olımpıadashylar Olımpııa oıyndaryna qazaqstandyq jáne sheteldik mamandar arnaıy daıyndaǵan kıimmen attanady. «Salta» brendimen tanymal Saltanat Baımuhamedova olımpıadalyq kıimniń saltanatty formasynyń dızaıneri boldy. Qazaqstandyq sportshylarǵa arnalǵan sporttyq formany ıspandyq Joma kompanııasy jasady.

Olımpıada formasyn daıyndaýda 35 sportshydan turatyn komıssııa formany tańdaý quqyǵyn alǵan jáne olar ózderi Tokıoda olarǵa kııýge ne yńǵaıly bolatynyn anyqtady.

 

  1. Quramanyń kenjesi kim?

Qazaqstan Olımpıadalyq quramasy sapyndaǵy eń jas sportshy 19 jasta. Ol kórkem gımnastıka boıynsha óner kórsetetin Alına Ádilhanova. 

 

  1. Qaı sportshy qaı kúni baq synaıdy?

Dástúr boıynsha Olımpıada oıyndaryn dzıýdo, taekvondo jáne aýyr atletıka syndy sport túrleri bastap, Olımpıada medalin sarapqa salady. Sondaı-aq, 23 shildeden bastap birneshe sport túrinen irikteý kezeńderi bastalady. 

 

  1. Jalǵyz ózi jeti joldamaǵa ıe

Sporttyq gımnastıkadan Qazaqstan quramasynyń maqtanyshy  Mılad Karımı birden Olımpıadanyń jeti joldamasyna qol jetkizdi. Ol Tokıo Olımpıadasynda kópsaıys, erkin jattyǵý, qol tirep sekirý, qossyryq, shyǵyrshyq, kerme jáne gımnastıkalyq at snarıady boıynsha jarysqa qatysady.

 

  1. Lýsenkoǵasenim artýǵa bola ma?

Afınadaǵy Olımpııa oıyndarynan keıin (2004) alǵash ret Qazaqstannyń úsh veloshabandozy toptyq jarysta baq synaıdy. Mundaı nátıjege qol jetkizýge komanda kóshbasshysy Alekseı Lýsenko úlken úles qosty. Ol Qazaqstanǵa jalpy alǵanda Azııa qurlyǵynyń birde-bir memleketi enshilemegen upaıdy ákeldi. Trektegi velosport (sprınt, omnıým jáne keırın) boıynsha úsh lısenzııa jeńip aldy. Aıta keterligi, sporttyń bul túri boıynsha joldama Qazaqstan úshin tarıhı bolyp esepteledi. Sebebi, osy ýaqytqa deıin qazaqstandyq sportshylar atalǵan dıssıplına boıynsha Olımpıada oıyndaryna qatyspaǵan.

 

  1. Sadaqshylar tarıhı joldamaǵa qol jetkizdi

Sadaq atýdan 20 jyldan keıin alǵash ret Qazaqstannan úsh sadaqshy Olımpııa oıyndarynda komandalyq jarysqa qatysady. 2020 jylǵy Tokıo Olımpıadasyna joldama utyp alǵandar qatarynda sadaq atýdan Qazaqstan komandasy bar. Sanjar Musaev, Denıs Gankın jáne Ilfat Abdýllın Hertogenbosta (Nıderland) ótken álem chempıonatynda altynshy oryn ıelenip, Olımpııa oıyndaryna joldama jeńip alǵan bolatyn. Sondaı-aq sportshylar jekeleı synda óner kórsetedi. 

 

  1. Segiz jyl úzilisten keıingi oralý

Sý dobynan erler quramasy komandalyq oıyn túrlerinen jarysqa qatysatyn qazaqstandyq jalǵyz qurama bolyp otyr. Olar Olımpııa oıyndaryna segiz jyldan keıingi úzilisten soń oraldy. 

 

  1. Tokıoǵa 16 shildede jolǵa shyǵady

Qazaqstandyq delegasııanyń basym bóligi eki aptalyq karantınnen keıin Qazaqstannan Tokıoǵa attanady. Komanda Japonııaǵa 16 shildede «Air Astana» kompanııasynyń qoldaýymen uıymdastyrylǵan charterlik reıspen ushady.

Olımpıada oıyndarynyń ashylý saltanaty 23 shilde kúni Tokıo Olımpıada stadıonynda ótedi.

 

ALMATY

 

Sońǵy jańalyqtar

Elordanyń damý dańǵyly

Elorda • Keshe

«Nur-Sultan kitaphanasy»

Elorda • Keshe

Qattalǵan tarıh qazynasy

Elorda • Keshe

Ahańnyń adaldyǵy

Ahmet Baıtursynuly • Keshe

Qaraly kezeń kartınasy

Qazaqstan • Keshe

Parıjge syımaǵan Pol

О́ner • Keshe

Qarttar úıindegi vals

Qoǵam • Keshe

Dollar qaıta kóterildi

Qarjy • Keshe

Uqsas jańalyqtar