Shveısarııanyń Lozanna qalasynda júlde qory 235 238 AQSh dollaryn quraǵan WTA týrnırinde Zarına Dıas óner kórsetýde. Tusaýkeser kezdesýin shveısarııalyq Sımona Valvertke qarsy ótkizgen ol 6:4, 6:4 esebimen jeńiske jetti.
Majarstannyń bas shahary – Býdapeshte Iýlııa Pýtınseva baq synaýda. Alǵashqy aınalymda jerlesimiz Ekaterına Gorgodzemen sheberlik baıqasty. 1 saǵat 36 mınýtqa sozylǵan báseke 6:4, 6:2 esebmen bizdiń tennısshiniń paıdasyna sheshildi. Kelesi kezeńde ol horvatııalyq Ana Konıýhpen kúsh synasady.
Al AQSh-tyń Nıýport qalasynda shymyldyǵy túrilgen ATR dodasynda Aleksandr Býblık kortqa shyǵady. Alǵashqy aınalymda ol bos boldy. Kelesi kezeńde otandasymyz horvatııalyq Ivo Karlovıch pen ıspanııalyq Bernabe Sapata-Mırales arasyndaǵy kezdesýdiń jeńimpazymen kezdesedi.
