Aımaqtar • 13 Shilde, 2021

Belgilengen merziminen buryn berildi

68 ret kórsetildi

Bıyl Almaty qalasynda memlekettik tapsyrys boıynsha jańadan 8 mektep jáne 17 japsarlas mektep salynyp, oqý orny tapshylyǵy 75% qysqarýy tıis.

Halqy kún saıyn kóbeıip kele jatqan shahar úshin, ásirese, zamanaýı bilim ordalarynyń der kezinde boı kóterýi asa mańyzdy. Mysaly, Almaty qalalyq №60 mektep-gımnazııasyna «Jóndeý Qurylys» kompanııasy qosymsha úsh qabatty ǵımaratty belgilengen merziminen bir aı buryn salyp berdi.

Jaqynda jolymyz túsip, Almaty qalalyq №60 mektep-gımnazııasyna qosymsha salynǵan úsh qabatty ǵımaratty baryp kórdik. Gımnazııanyń syrtqy qabyrǵasy zamanaýı sapaly qurylys materıaly – traventınmen kómkerilgen. Sheberlikpen túzý tartylǵan aqshyl jolaq birtutas qońyrqaı tús ǵımaratty asha túsken. Aýlaǵa aq, qyzyl tústi qalyń tas retimen qalanypty. Eńseli ǵımarattyń ishki qabyrǵalary kóńil sergiter túspen boıalyp, zamanaýı talapqa saı jasalǵany jarasymdy-aq. Synyptar keń, onda terezeden túsetin jaryqty barynsha paıdalaný úshin kólemdi elektrondy taqtalar ornatylypty. Partalary men shkaftarynyń eni, bıiktigi, jalpy pishini standartqa sáıkes jasalynǵany da birden kózge túsedi. Osy ıgiliktiń barlyǵy balalarymyz úshin jasalyp jatqany qýantty.

Negizi qurylysshy qandaı da bir nysannyń qabyrǵasyn túzý, edenin tegis, baspaldaǵyn standartqa saı, ıaǵnı sapaly atqarý arqyly da patrıottyǵyn, halyqqa, memleketke adaldyǵyn tanytady. Sol qurylysshynyń qoltańbasy ǵımarattyń sándiligimen, sapasymen erekshelenedi. Desek, iskerligimen elimizge tanymal «Qazaqstan Respýblıkasynyń Qurmetti qurylysshysy», «Qurmet» ordeniniń ıegeri Jandýlla Abdımýratov basqaratyn «Jóndeý Qurylys» JShS qurylys kompanııasy sapaly jumysyn osy bilim ordasynda da kórsetipti. Mamyrdyń sońǵy kúnderinde ózimiz kýá bolǵan kezekti jumys tártibindegi kezdesýindegi tapsyrys berýshiniń eskertpelerine qurylysshylar ózindik pikirlerin qosyp, el ıgiligi úshin ortaq kelisimge kelipti.

Qurylys nysanyn bastaý úshin beriletin saraptama qorytyndysy keıde alty-toǵyz aıǵa sozylady. Oǵan jobalyq smetalyq qujaty daıyn nysanǵa respýblıkalyq bıýdjetten qarajat bólingenshe kezegin kútip bir jylǵa taıaý ýaqyt jatyp qala­tynyn taǵy qosyńyz. Sol ýaqytta qurylys materıalynyń quny eselep ósedi. Osyndaı túrli kedergilerge toqtalmaǵan kompanııa qurylys jumysyn talapqa saı ári belgilengen ýaqytynan keshiktirmeı tapsyryp otyr. Bul – qurylysshylardyń adal jumysynyń nátıjesi. Árıne, derekke dáıekteme keltirsek, qurylysshylardyń ýaqytpen sanaspaı, úlken jaýapkershilikpen, saýattylyqpen, mol tájirıbege súıene uıymdastyra bilip atqarǵan qyrýar jumysy kórinedi. Eń bastysy, jańa oqý jylynda ýaqyt talabyna saı jarqyraǵan mektep-gımnazııanyń esigin aıqara ashyp, oqýshylar men muǵalimderdi rızashylyqqa bólegen qurylysshylar naǵyz azamattyǵyn kórsetti.

Almaty

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Uqsas jańalyqtar