Sybaılas jemqorlyqqa qarsy is-qımyl vedomstvosynyń baspasóz qyzmeti habarlaǵandaı, otyrys sheńberinde prevensııa jelisi boıynsha jumys nátıjesi, sondaı-aq jedel tergeý bloktary tyńdaldy.
Memleket basshysynyń 2020 jylǵy 1 qyrkúıektegi Joldaýyn iske asyrý jónindegi Jalpyulttyq is-sharalar jospary aıasynda Qostanaı oblysynyń memlekettik organdary sybaılas jemqorlyq táýekelderine ishki taldaý júrgizdi.
Atqarylǵan jumys barysynda oblysta 500-den astam memlekettik organda sybaılas jemqorlyq faktileri tirkeldi. Onyń arasynda qalalar men aýdandardyń ákimdikteri, oblystyq basqarmalar, sondaı-aq aýyldar men aýyldyq okrýgter ákiminiń apparaty bar.
Nátıjesinde 613 sybaılas jemqorlyq táýekeli anyqtaldy.
«Bul sharalar salalyq zańdardyń problemalyq máselelerin anyqtaýǵa, sondaı-aq memlekettik organdar qyzmetindegi ishki olqylyqtardy kórýge, aldaǵy ýaqytta bul memlekettik organdarǵa quqyqtyq alańda jumys isteýge jáne sybaılas jemqorlyqtyń alǵysharttarynyń paıda bolý múmkindigin aıtarlyqtaı tómendetýge múmkindik beredi», dedi Qostanaı oblysy boıynsha Sybaılas jemqorlyqqa qarsy qyzmet departamentiniń basshysy Qýanysh Bekbasov.
Qostanaı oblysy boıynsha sybaılas jemqorlyqqa qarsy qyzmeti barlyǵy 42 qylmysty tirkedi, onyń ishinde 39 - sybaılas jemqorlyq.
