Kún saıyn 2500-3000 kiris jáne shyǵys qońyraý baılanystary qaralady.
Telemedısına ortalyǵy úıde em qabyldap jatqan COVID-19-ben aýratyn pasıentterge kómek kórsetý maqsatynda 2020 jylǵy qyrkúıek aıynda ashylǵan bolatyn. Búginge deıin Ortalyq 52 158 kiris, 472 043 shyǵys qońyraýǵa qyzmet kórsetip úlgergen. Ortalyq COVID-19 ben aýratyn pasıentterge, sondaı-aq, qaýip tobyna kiretindermen qashyqtan baqylaý men konsýltasııa júrgizedi.
«Biz MSAK uıymdarynyń mamandarymen júrgizilgen oflaın keńesten soń TMO mamandary onlaın túrinde keńes beredi jáne úı karantınindegi COVID-19-ben aýratyn pasıentter boıynsha monıtorıng júrgizemiz. Emdelýge jatqyzýǵa kórsetkishter bolǵan kezde TMO mobıldik brıgada nemese jedel járdem shaqyrady. Pasıentterdi tıisti medısınalyq kómek kórsetý úshin stasıonarlarǵa jiberemiz», dedi TMO basshynyń m.a. Juldyz Baýyrjanqyzy.
Sonymen qatar, Almaty qalasynyń turǵyndarynan COVID-19 aýrýyna shaldyqqandarǵa medısınalyq kómek kórsetý máselesi jónindegi kiris qońyraýlar túsken kezde, mamandar aktıvti qabyldap, turǵynnyń turatyn aýmaqtylyǵy boıynsha qala turǵynyna medısınalyq kómek kórsetý úshin emhanaǵa jiberedi, sondaı-aq, vaksınasııa máselesi boıynsha keńes beredi.
Telemedısına ortalyǵyna táýlik boıyna myna telefonmen habarlasýǵa bolady: 8 (727) 300 505, uıaly telefonnan qysqa 13 12 nomeri arqyly habarlasý kerek.
