Búgin Inder, Isataı jáne Mahambet aýdanynda koronavırýs ınfeksııasyn juqtyrǵan naýqastardyń sany ósken. Sonyń saldarynan atalǵan aýdandardyń ınfeksııalyq stasıonarlaryndaǵy júkteme 100 paıyzdan asqan.
«Qazir Inder aýdanyndaǵy ınfeksııalyq stasıonarda koronavırýs juqtyrǵan 26 (100%), Isataıda – 11 (110%), Mahambet aýdanynda 29 (145%) naýqas jatyr. Al, ózge aýdandardyń ınfeksııalyq stasıonarlarynda tósek-oryn jetkilikti. Máselen, Jylyoı aýdanynda 37, Qurmanǵazyda – 52, Maqatta – 20, Qyzylqoǵa aýdanynda 9 pasıent emdelý úshin oqshaýlanǵan», dep habarlady basqarmanyń baspasóz qyzmeti.
