Aımaqtar • 14 Shilde, 2021

Almatyda bir táýlikte 640 adam indetke shaldyqty

1877 ret kórsetildi

Búgin Almaty qalasynyń ákimi Baqytjan Saǵyntaev epılemııalyq ahýal «Delta» shtamyna órship turǵanyn ataı kele, almatylyqtardy vaksınalaný qarqynyn tómendetpeýge shaqyrdy, dep jazady Egemen.kz.

Almatynyń ákimi 14 shildege deıin koronavırýs ınfeksııasynyń 80 091 jaǵdaıy tirkelgenin aıtty.

Tek sońǵy táýlikte 640 adamnyń indet juqtyrǵany anyqtaldy.

Búginde 5200 tósek orynǵa ulǵaıǵan ınfeksııalyq stasıonarlarda barlyǵy 1947 pasıent, onyń ishinde 168 bala emdelip jatyr. Sonymen qatar, naýqastardyń 55-iniń jaǵdaıy óte aýyr, 428-i aýyr, 1464 ortasha aýyrlyq dárejede. Reanımasııa jáne ıntensıvti terapııa bólimderinde barlyǵy 133 naýqas bar. О́JJ apparatynda – 28, ınvazıvti emes О́JJ – 46, High flow apparatynda – 42 naýqas jatyr.

Sońǵy 7 kún ishinde KVI-diń sımptomdy aýrýlarynyń úles salmaǵy ótken 7 kúnmen salystyrǵanda 2 esege ósken, 53%-dan 88%-ǵa deıin, bul KVI-diń aýyr klınıkalyq kórinisin qalyptastyratyn delta nusqa aınalymynyń tez taralýy saldarynan bolyp otyr.

Sońǵy 2 aptadaǵy jas quramynyń taldaýy delta nusqasynyń joǵary kontagıozdy bolýynan balalar men jastarǵa vırýs tez juǵýda: 2%-ǵa tómendeýine qaramastan 14 jasqa deıingi balalardyń úlesi 13%-dyq joǵary kúıinde qalýda; 20 jastan 40 jasqa deıingi azamattar arasynda derttiń eń joǵary deńgeıge 3,4%-ǵa (39%) asqynýy úlken alańdaýshylyq týdyryp jatyr. Sondaı-aq 40-59 jastaǵylar arasynda juqtyrý deńgeıi – 25%, ıaǵnı, árbir 4-shi adam ınfeksııa juqtyrǵan. 60 jastaǵy aǵa býyn arasynda juqtyrýdyń úles salmaǵy 1,6%, bul ımmýndaný men mobıldiliktiń tómendiginiń nátıjesi.

Jumyspen qamtý boıynsha sońǵy 14 kúnde KVI derti ózin-ózi jumyspen qamtyǵandar arasynda basym – 37% (ósim 2%), túrli JShS, JK, AQ qyzmetkerleri arasynda – 19% (burynǵy deńgeıden), zeınetkerler arasynda – 16,6% (0,8%-ǵa tómen), sondaı-aq mektep oqýshylary arasynda – 10,1% (0,2%-ǵa tómen) jáne mektep jasyna deıingi balalar arasynda – 6,7% (sol deńgeıde), bul naýqastar sanynyń 90%-yn quraıdy.

Infeksııa juqtyratyn naqty oryndar: sońǵy aptada aldyńǵy sońǵy aptamen salystyrǵanda KVI-di otbasynda juqtyrý 9%-ǵa tómendedi, týystarymen, kórshilerimen, dostarymen baılanysta bolǵandar – 0,2%-ǵa azaıdy.

Sońǵy 7 kúnde KVI juqtyratyn negizgi oryndar saýda nysandary – 31%, otbasylarda – 18%, qoǵamdyq kólikte – 16%, bazarlarda – 11% jáne qoǵamdyq tamaqtandyrý oryndarynda – 4%.

Almaty ákimi B. Saǵyntaev qalalyqtardy KVI-diń aldyn alýdyń eń tıimdi ári jalǵyz qorǵany bolyp tabylatyn vaksınalaný qarqynyn tómendetpeýge shaqyrdy. 14 shildedegi jaǵdaı boıynsha 615 661 adamǵa vaksınanyń I komponenti egildi. О́tken táýlikterde vaksınalanǵandar: 15 257 adam. Ekpe alǵandardyń jalpy sanynan 60 jastan asqandar 91 263 adamdy quraıdy.

Qalada medısınalyq uıymdarda, mektepterde, mádenı jáne sporttyq mekemelerde, bazarlarda jáne SOSO 212 vaksınasııa (250-ge deıin ulǵaıtý múmkindigi bar) pýnkti jumys isteıdi. Quramynda 1260 adam bar 308 ekpe brıgadasy jumyldyrylǵan.

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar