Qazaqstan Qorǵanys mınıstrligi Áskerı bilim jáne ǵylym departamentiniń ofıseri kapıtan Dáýren Qasenov birinshi dárejeli dıplommen jáne «TMD-nyń úzdik jas ǵalymy – 2021» medalimen nagradtaldy. Onyń konkýrstyq jumysy Qazaqstannyń kúrt ózgermeli kontınenttik klımatynda ushqyshsyz ushý apparattarynyń muzdaný problemasyn sheshýmen baılanysty boldy.
Kapıtan Dáýren Qasenov – jetekshi otandyq jáne sheteldik ǵylymı jýrnaldarda jarııalanǵan 30-dan astam ǵylymı maqalanyń avtory, úsh kitap basylymynyń teń avtory, avtorlyq quqyq obektisine quqyqtardy memlekettik tirkeý týraly tórt kýáliktiń jáne bir patenttiń ıesi.
Bıyl ol Qazaqstan Respýblıkasynyń Tuńǵysh Prezıdenti – Elbasy atyndaǵy Ulttyq qorǵanys ýnıversıteti ǵylymı-zertteý tobynyń quramynda otandyq «Shaǵala» ushqyshsyz ushý apparatyn jasaý boıynsha qoldanbaly ǵylymı-zertteýlerge qatysqan.
«Egemen-aqparat»
